त्र्यंबकेश्वर : लग्नाचे आमिष दाखवून २४ वर्षीय तरुणीवर वारंवार अत्याचार केल्याप्रकरणी त्र्यंबकेश्वर पोलीस ठाण्यात गुन्हा दाखल करण्यात आला आहे. या प्रकरणात एजाज पठाण (रा. इंदिरानगर, नाशिक) या संशयित आरोपीविरुद्ध पोलिसांनी कारवाई सुरू केली आहे. ( Trimbakeshwar Crime News )
पोलिसांकडून मिळालेल्या प्राथमिक माहितीनुसार , ही घटना ऑक्टोबर २०२५ ते मे २०२६ या कालावधीत घडली आहे. खंबाळे परिसरातील दोन हॉटेलमध्ये नेऊन पीडितेवर अत्याचार केल्याचा आरोप करण्यात आला आहे. तक्रारीनुसार, संशयित आरोपीने पीडितेचे कपडे बदलतानाचे फोटो काढून त्याद्वारे ब्लॅकमेल केले. तसेच “फोटो व्हायरल करीन” अशी धमकी देत वारंवार मानसिक व शारीरिक त्रास दिल्याचेही नमूद करण्यात आले आहे. ( Trimbakeshwar Crime News )
याप्रकरणी त्र्यंबकेश्वर पोलिसांनी (Trimbakeshwar Police) भारतीय न्याय संहिता २०२३ च्या कलम ६४(१), ६४(२)(m), ३५१(२) आणि ३५२ नुसार गुन्हा दाखल केला आहे. पोलीस निरीक्षक महेश कुलकर्णी यांच्या मार्गदर्शनाखाली पीएसआय खैरनार पुढील तपास करत आहेत. आरोपीचा शोध सुरू असून या घटनेमुळे परिसरात खळबळ उडाली आहे.