नाशिक : नाशिक महानगरपालिका क्षेत्रातील प्रलंबित आणि सुरू असलेल्या विकासकामांचा दर्जा व वेग तपासण्यासाठी आज महापौर हिमगौरी आहेर-आडके, उपमहापौर विलास शिंदे यांनी नगरसेवकांसह (Mayor Himgauri Aher-Adke, Deputy Mayor Vilas Shinde) पाहणी केली. यावेळी रस्ते, पूल आणि अन्य नागरी सुविधांच्या कामांचा आढावा घेण्यात आला. (Mayor and Deputy Mayor inspect roads and development works)
आज सकाळी महापौर-उपमहापौरांनी (Mayor Himgauri Aher-Adke, Deputy Mayor Vilas Shinde) आनंदवल्ली, कवडे गार्डन, जेहान सर्कल, बालाजी मंदिर, अंबिका स्वीट ते अमृत गार्डन तसेच पिंपळगाव बहुला परिसरातील विकासकामांची प्रत्यक्ष स्थळावर जाऊन महापौर हिमगौरी आहेर-आडके, उपमहापौर विलास शिंदे यांनी पाहणी केली. या दौऱ्यात रस्त्यांचे खडीकरण त्यासोबतच डांबरीकरण, पुलांचे बांधकाम, भूमिगत वायरिंगचे आणि गटारीचे काम यासह परिसरातील इतर पायाभूत सुविधांच्या सद्यस्थितीची पाहणी करण्यात आली.
पाहणी दौऱ्यादरम्यान अनेक ठिकाणी कामाचा वेग मंदावल्याचे दिसून आल्याने, संबंधित विभागाच्या अधिकाऱ्यांना आणि कंत्राटदारांना कामाला गती देण्याच्या सूचना महापौर हिमगौरी आहेर-आडके यांनी केल्या. तसेच कामांच्या गुणवत्तेबाबत कोणतीही तडजोड खपवून घेतली जाणार नाही, असेही त्यांनी स्पष्ट केले.
यावेळी महापौर आणि उपमहापौरांनी शहरात ठिकठिकाणी सुरु असलेली विकासकामे विहित मुदतीत पूर्ण व्हावीत, जेणेकरून नागरिकांना होणारा त्रास कमी होईल. तसेच कामाच्या गुणवत्तेवर विशेष लक्ष द्यावे,” अशा कडक सूचना संबंधित अधिकाऱ्यांना दिल्या.