युरोपमधील पहिली आयसीसी-मान्यताप्राप्त T20 स्पर्धा ‘युरोपियन T20 प्रीमियर लीग’ (ETPL)ने आपल्या ग्लासगो-स्थित फ्रँचायझी ‘ग्लासगो मुगाफियन्स’ची अधिकृत घोषणा केली आहे. या संघाला मुगाफी ग्रुपचे संस्थापक भागीदार म्हणून पाठबळ असून, संघाची मालकी तन्शा बत्रा यांच्याकडे आहे. वेस्ट इंडिजचा दिग्गज खेळाडू ख्रिस गेल हा सह-मालक आणि जागतिक ब्रँड ॲम्बेसेडर म्हणून संघाशी जोडला गेला आहे.
ईटीपीएलचे सह-मालक अभिषेक बच्चन यांनी या नव्या फ्रँचायझीचे स्वागत करताना सांगितले की, युरोपमध्ये क्रिकेटसाठी मोठी क्षमता असून, ही लीग नव्या प्रतिभेला व्यासपीठ देण्यासोबतच विविध बाजारपेठांना जोडण्याचे काम करेल.
कडक शिस्तीच्या महापौर कधी नगरसेवकांना लावणार शिस्त? मुंबई : मुंबई महापालिकेचे सभागृह हे ऐतिहासिक मानले जात असून या ऐतिहासिक सभागृहात निवडून ...
मुगाफी ग्रुपचे सीईओ विपुल अग्रवाल यांनी सांगितले की, क्रिकेटची प्रेक्षकसंख्या झपाट्याने वाढत असून, युरोपमध्ये अशा प्रकारची लीग सुरू होणे ही मोठी संधी आहे.
संघाच्या मालक तन्शा बत्रा यांनीही ग्लासगोमधील स्थानिक क्रिकेटला व्यावसायिक व्यासपीठ मिळणार असल्याचे सांगितले. तर ख्रिस गेलने या नव्या प्रवासाबद्दल उत्साह व्यक्त करत, युरोपमध्ये क्रिकेटच्या विस्तारासाठी ही लीग महत्त्वाची ठरेल, असे म्हटले.
ही लीग ‘क्रिकेट आयर्लंड’ आणि ‘रूल्स ग्लोबल’चा संयुक्त उपक्रम असून, ‘क्रिकेट स्कॉटलंड’ आणि ‘रॉयल डच क्रिकेट असोसिएशन’ यांच्या सहकार्याने विकसित केली जात आहे.
