सांगली : सांगली जिल्ह्यात गेल्या २४ तासांत घडलेल्या तीन वेगवेगळ्या खुनांच्या घटनांनी कायदा-सुव्यवस्थेबाबत प्रश्नचिन्ह निर्माण केले आहे. कवलापूर आणि कुपवाड परिसरात घडलेल्या या घटनांमागे किरकोळ वाद, दारूचे नशेत झालेले भांडण आणि प्रेमसंबंधातील तणाव अशी विविध कारणे समोर आली आहेत.
कवलापूरमध्ये तमाशा कार्यक्रमात वादातून खून
कुपवाडमध्ये दारू पिताना वाद; एकाचा खून
दुसरी घटना कुपवाड शहरात घडली. सचिन माने हा दारू पिण्यासाठी दुकानात गेला असताना त्याच्यासोबत पूर्वीपासून वाद असलेले दोन जण तेथे आले. त्यांच्यात वाद निर्माण झाला आणि त्याचे रूपांतर मारहाणीत झाले. या घटनेत दोघांनी सचिन माने याच्या डोक्यात दगड मारून त्याचा खून केला. घटनेनंतर आरोपी फरार झाले असून, त्यांचा शोध घेण्यासाठी पोलिसांनी पथके रवाना केली आहेत.
प्रेमसंबंधातून पत्नीनेच पतीचा घेतला जीव
तिसरी घटना कुपवाड एमआयडीसी परिसरात समोर आली. दगडू केंगार या बांधकाम कामगाराचा खून त्याच्या पत्नीने केल्याचे उघड झाले आहे. संबंधित महिलेला पोलिसांनी अटक केली असून, तिचे एका तरुणासोबत प्रेमसंबंध होते. या नात्याला पतीचा विरोध असल्याने दोघांमध्ये वारंवार वाद होत होते. अखेर या तणावातूनच पत्नीने पतीचा खून केल्याची कबुली दिल्याची माहिती आहे.
पोलिस तपास आणि परिसरातील तणाव
छोट्याश्या कारणांवरून घडलेल्या या गंभीर घटनांमुळे नागरिकांमध्ये भीतीचे वातावरण पसरले असून, पुढील काळात अशा प्रकारांना आळा घालण्यासाठी सांगली पोलिस यंत्रणेसमोर मोठे आव्हान उभे राहिले आहे.