मुंबई : रामायण ( Ramayana ) सिनेमाची सध्या जोरदार चर्चा सुरु असून रामायणमधील रणबीर कपूर ( Ranbir Kapoor) चा पहिला लूक पाहिल्यानंतर प्रेक्षकांची उत्सुकता प्रचंड वाढली आहे. बॉलीवूडमधील सर्वात महागड्या सिनेमांपैकी एक ठरलेला रामायण गेल्या तीन वर्षांपासून चर्चेत आहे. निर्माते नमित मल्होत्रा यांचा हा महत्त्वाकांक्षी सिनेमा दोन भागांमध्ये प्रदर्शित होणार असून आता या सिनेमात आणखी एका मोठ्या कलाकाराची एंट्री होणार असल्यानं या सिनेमाची चर्चा चांगलीच रंगली आहे. हा कलाकार अभिनेता अमिताभ बच्चन यांचा जावई असल्याचं समोर येत आहे. अभिनेता कुणाल कपूर (Kunal Kapoor) रामायण सिनेमात महत्त्वाच्या भूमिकेत झळकणार आहे.
माहितीनुसार अभिनेता कुणाल कपूर या सिनेमात ‘इंद्रदेवाची भूमिकेत दिसणार असल्याची चर्चा आधीपासूनच सुरू होती, पण आता पुन्हा एकदा याबाबत चर्चा होत आहे. मात्र, सिनेमाच्या टीमकडून किंवा मेकर्सकडून याबद्दल अद्याप अधिकृत घोषणा झालेली नाही. कुणाल कपूरनेही यावर अजून कोणतीही प्रतिक्रिया दिलेली नाही.
अभिनेता कुणाल कपूर बॉलिवूडमधील अनेक प्रसिद्ध सिनेमांमध्ये झळकला असून तो एक उत्तम कलाकार आहे. कुणालने नैना बच्चन सोबत लग्न केलं असून नैना ही अमिताभ बच्चन यांची पुतणी आहे.
रामायण सिनेमात ‘रावण’ची भूमिका साकारणारा साऊथ स्टार यश आणि ‘इंद्रदेवा'च्या भूमिकेत दिसणारा कुणाल कपूर यांच्यात जबरदस्त युद्ध दाखवले जाणार असल्याची चर्चा असून हा सीनमध्ये प्रेक्षकांना भव्य आणि थरारक अनुभव मिळणार आहे. या सिनेमात काजल अग्रवाल ‘मंदोदरी’च्या भूमिकेत तर शीबा चड्ढा, आदिनाथ कोठारे आणि अरुण गोविल यांसारखे कलाकारही महत्त्वाच्या भूमिकेत झळकणार आहेत. त्यामुळे आता रामायण सिनेमा मोठ्या पदड्यावर पाहण्यासाठी प्रेक्षकांची उत्सुकता शिगेला पोहचली आहे.