मुंबई : काल गोरेगाव पूर्व येथील संतोष नगर परिसरात शोभायात्रेदरम्यान दोन गटांमध्ये अचानक उसळलेल्या वादाने हिंसक रूप धारण केल्याची घटना समोर आली आहे. या घटनेत अनेक जण जखमी झाले असून परिसरात काही काळ तणावपूर्ण परिस्थिती निर्माण झाली होती.
या घटनेत काही जण गंभीर जखमी झाले असून त्यांच्यावर जोगेश्वरी येथील ट्रॉमा केअर रुग्णालयात उपचार सुरू आहेत. घटनेमुळे नागरिकांमध्ये भीतीचे वातावरण निर्माण झाले होते.
या प्रकरणी पोलिसांनी गुन्हा दाखल करत ८ जणांना अटक केली आहे. तसेच घटनास्थळावरील सीसीटीव्ही फुटेजची तपासणी सुरू असून इतर आरोपींचा शोध घेण्यात येत आहे. घटनेनंतर परिसरात कडेकोट पोलीस बंदोबस्त ठेवण्यात आला असून सध्या परिस्थिती नियंत्रणात असल्याचे पोलिसांनी स्पष्ट केले आहे. दरम्यान, या घटनेमुळे स्थानिकांमध्ये असुरक्षिततेची भावना निर्माण झाली असून भविष्यात अशा प्रकारांना आळा घालण्यासाठी कठोर उपाययोजना करण्याची मागणी नागरिकांकडून केली जात आहे.