उटावा : कॅनडातील सरे शहरात भारतीय वंशाच्या एका व्यक्तीची गोळ्या झाडून हत्या करण्यात आली आहे. मृत व्यक्तीची ओळख २७ वर्षीय जसमन सेखों अशी झाली आहे. स्थानिक माध्यमांच्या वृत्तानुसार, हा हल्ला संघटित गुन्हेगारी अर्थात गँगवॉरशी संबंधित असू शकतो. पोलिसांना संशय आहे की हल्लेखोरांनी पूर्वनियोजित कट रचून ही घटना घडवून आणली.या घटनेमुळे परिसरात भीतीचे वातावरण निर्माण झाले आहे.
मिळालेल्या माहितीनुसार, ही घटना सुलिव्हन हाइट्स येथील एका टाउनहाऊस कॉम्प्लेक्समध्ये घडली. प्रत्यक्षदर्शींच्या मते, एका काळ्या एसयूव्हीने जसमन यांचा पाठलाग केला. त्यानंतर गाडीतून दोन जण खाली उतरले आणि त्यांनी जसमन यांच्यावर अंधाधुंद गोळीबार केला. पोलिस घटनास्थळी पोहोचेपर्यंत जसमन यांचा मृत्यू झाला होता.तपास पथकाच्या माहितीनुसार, जसमन यांचा यापूर्वीही पोलिसांशी संपर्क आला होता आणि त्यांचा अमली पदार्थांच्या तस्करीशी संबंध असल्याचा संशय व्यक्त केला जात आहे. प्राथमिक तपासात हा प्रकार संघटित गुन्हेगारी आणि गँगवॉरशी संबंधित असल्याचे दिसून येत आहे.
घटनास्थळाजवळ पोलिसांना एक जळती कारही आढळून आली असून, हल्लेखोरांनी या वाहनाचा वापर केला होता का याचा तपास सुरू आहे. सरे शहरात मागील ४८ तासांत गोळीबाराची ही चौथी घटना असल्याने परिसरात दहशतीचे वातावरण पसरले आहे. सध्या पोलिसांकडून सखोल तपास सुरू असून आरोपींना लवकरात लवकर अटक