मध्यपूर्वेत सुरू असलेल्या तणावाने (Iran-US-Israel War) आता आणखी धोकादायक वळण घेतले आहे. इराण आणि अमेरिका यांच्यातील संघर्षाला एक महिना उलटूनही परिस्थिती नियंत्रणात आलेली नाही. उलट, या संघर्षामुळे जागतिक स्तरावर भीतीचे वातावरण निर्माण झाले आहे.
गेल्या २४ तासांत इराणवर १०० हून अधिक हल्ले झाल्याची माहिती समोर आली आहे. दुबई, सौदी अरेबिया, कतार आणि कुवेत यांसारख्या देशांनाही या संघर्षाचा मोठा फटका बसत आहे.
याच पार्श्वभूमीवर दुबईजवळ (Dubai) समुद्रात मोठी घटना घडली. इराणकडून एका तेलवाहू जहाजावर (oil tanker) भीषण हल्ला करण्यात आला. या हल्ल्यानंतर मोठ्या प्रमाणात तेल समुद्रात सांडले, ज्यामुळे पर्यावरणीय आणि आर्थिक संकट निर्माण झाले आहे. या घटनेने आंतरराष्ट्रीय पातळीवर खळबळ उडाली आहे.
यापूर्वीही इराणकडून दुबईतील तेल रिफायनरीवर हल्ला करण्यात आला होता. त्यामुळे या भागातील सुरक्षेचा प्रश्न पुन्हा एकदा ऐरणीवर आला आहे.
एकूणच, इराण-अमेरिका संघर्षामुळे (Iran-US-Israel War) जगासमोर मोठे ऊर्जा आणि आर्थिक संकट उभे राहिले असून पुढील काही दिवस अत्यंत निर्णायक ठरणार आहेत.