नवी दिल्ली : पोटात संसर्ग झाल्याची तक्रार केल्यानंतर काँग्रेसच्या माजी अध्यक्षा सोनिया गांधी यांना मंगळवारी रात्री दिल्लीतील सर गंगा राम रुग्णालयात दाखल करण्यात आले. डॉक्टरांच्या मते, त्यांची प्रकृती सध्या स्थिर आहे.
बुधवारी रुग्णालयाने जारी केलेल्या माहितीनुसार , सोनिया गांधी यांना मंगळवारी रात्री १०:२२ वाजता सर गंगा राम रुग्णालयात दाखल करण्यात आले.
रुग्णालयाचे अध्यक्ष डॉ. अजय स्वरूप यांनी एका निवेदनात म्हटले आहे की, डॉक्टर त्यांच्या प्रकृतीवर बारकाईने लक्ष ठेवून आहेत. त्यांच्या पोटात आणि मूत्रमार्गात संभाव्य संसर्ग आहे का, हे तपासण्यासह त्यांची सविस्तर तपासणी केली जात आहे. उपचाराचा भाग म्हणून त्यांना अँटीबायोटिक्स दिली जात आहेत. रुग्णालयातील तज्ज्ञांची टीम त्यांच्यावर लक्ष ठेवून आहे आणि आवश्यक वैद्यकीय सेवा पुरवत आहे.