अभिनेता रणवीर सिंहच्या धुरंधर सिनेमाचं वेडं जगभरात सर्वत्र पाहायला मिळत आहे. धुरंधर २ सिनेमानं प्रेक्षकांबरोबरच अनेक कलाकारांनादेखील भुरळ घातली आहे. रणवीरच्या धुरंधरचं प्रत्येकजण भरभरून कौतुक करत आहेत. यामध्येच आता अभिनेत्री आलिया भटट्ची भर पडली आहे. आलिया भट्टनं रणवीर सिंहच्या धुरंधरचं कौतुक करत धुरंधर सिनेमातील तिचा आवडता सीन सोशल मिडियावर शेअर केला आहे.
अभिनेत्री आलिया भट्ट रणवीर सिंहसोबत अनेक सिनेमांमध्ये झळकली आहे. नुकताच आलियानं आपल्या सोशल मिडियावर रणवीर सिंहच्या धुरंधर २ सिनेमाचं कौतुक केलं आहे. तसेच, याबरोबरच आलियानं धुरंधर २ सिनेमाचा एक फोटो शेअर केला असून याबरोबरच आलियानं लिहिलयं की 'जसकिरत सिंग रंगी' आणि हा क्षण हेच सर्वकाही आहे. अभिनेता आणि दिग्दर्शक यांच्यातील परिपूर्ण ताळमेळ हीच खरी जादू आहे. धुरंधर टीमचे अभिनंदन, चित्रपटसृष्टीतील हा एक ऐतिहासिक क्षण आहे.
अभिनेत्री आलिया भट्टनं धुरंधर सिनेमातील शेअर केलेला हा सीन प्रेक्षकांच्याही प्रचंड पसंतीस उतरला असून यामुळे प्रेक्षक सिनेमागृहात मोठ्या प्रमाणात भावूक होत असल्याचे पाहायला मिळत आहे.