अभिनेता रणवीर सिंहच्या धुरंधर २ ने जगभरात चांगलाच धुमाकूळ घातला असून या सिनेमानं बॉक्स ऑफिसचे सगळेच रेकॉर्ड मोडित काढत ऐतिहासिक अशी विक्रमी कमाई केली आहे. नुकताच ३०० कोटीचा टप्पा पार केल्यानंतर आता धुरंधर २ सिनेमानं ५०० कोटी क्लबमध्ये जबरदस्त एन्ट्री केली आहे.
रणवीर सिंहच्या धुरंधर २ सिनेमानं अवघ्या ३ दिवसातचं जगभरात ५०१.०४ कोटींची कमाई केली आहे. तर, भारतात धुरंधर सिनेमानं ३३९.३७ चं नेट कलेक्शन आणि ग्रॉस कलेक्शनमध्ये ४०४.५०४ कोटींचं कलेक्शन केलं आहे.
धुरंधर २ सिनेमाचं दमदार बॉक्स ऑफिस कलेक्शन
धुरंधर २ सिनेमाचं बॉक्स ऑफिसवर पेड प्रिव्ह्यूजमध्ये ४३ कोटीचं कलेक्शन केलं असून रिलीजच्या पहिल्या दिवशी १०२.५५ कोटींची कमाई केली असून दुसऱ्या दिवशी धुरंधर २ सिनेमानं ८०.७२ कोटींची कमाई केली आहे. तर, तिसऱ्या दिवशी धुरंधर २ सिनेमानं ८०.७२ कोटींची कमाई केली आहे.
धुरंधर २ सिनेमाच्या या ऐतिहासिक विक्रमी बॉक्स ऑफिस कलेक्शनमुळे धुरंदरची क्रेझ संर्पूण जगभरात असल्याचे पाहायला मिळत आहे. तसेच, बॉलिवूडमध्येही अनेकजण धुरंधर २ सिनेमाचं भरभरून कौतुक करत आहेत.