नव्वदच्या दशकापासून आजच्या पिढीपर्यंत लहान मुलांच्या मनावर राज्य करणाऱ्या डोरेमॉन (Doraemon) या लोकप्रिय कार्टून शोमागील महत्त्वाचे व्यक्तिमत्त्व असलेले दिग्दर्शक शिबायामा त्सुतोमू (Shibayama Tsutomu) यांचे वयाच्या ८४व्या वर्षी निधन झाले आहे.
फुफ्फुसांच्या कॅन्सरमुळे त्यांचे निधन झाले असून, त्यांनी दोन दशकांहून अधिक काळ ‘डोरेमॉन’चे दिग्दर्शन आणि अॅनिमेशनची जबाबदारी सांभाळली होती. त्यांच्या कामामुळे या शोला जागतिक स्तरावर प्रचंड लोकप्रियता मिळाली, ज्यात भारताचाही मोठा वाटा आहे.
त्यांच्या निधनाची अधिकृत माहिती Shin-Ei Animation या स्टुडिओकडून १७ मार्च २०२६ रोजी देण्यात आली. मात्र, त्यांचे निधन ६ मार्च रोजीच झाल्याचेही स्पष्ट करण्यात आले.
शिबायामा यांच्या निधनामुळे मनोरंजनसृष्टीत मोठी पोकळी निर्माण झाली असून, ‘डोरेमॉन’सारख्या अजरामर कलाकृतीत दिलेल्या त्यांच्या योगदानाची कायम आठवण राहील.