मुंबई : पश्चिम आशियात सुरू असलेले युद्ध लांबण्याची शक्यता वाढल्यामुळे बीएसई सेन्सेक्स आणि निफ्टी या दोन्हीत बुधवारी ११ मार्च २०२६ रोजी सकाळच्या सत्रात मोठी घसरण झाली. आता सेन्सेक्स ५९०.६३ अंकांनी घसरून ७७,६१५.३५ वर आला आहे. याआधी मंगळवारी संध्याकाळी सेन्सेक्स ७८,२०५.९८ वर बंद झाला होता. तसेच निफ्टी फिफ्टीमध्येही घसरण दिसून आली. निफ्टी फिफ्टी हा १७७.३५ अंकांनी घसरून २४,०८४.२५ वर आला आहे. याआधी मंगळवारी निफ्टी फिफ्टी २४,२६१.६० वर बंद झाला होता. परदेशी संस्थात्मक गुंतवणूकदारांनी साडेचार हजार कोटीं रुपयांपेक्षा जास्त विक्री केल्यामुळे बाजार आपटला. तर देशांतर्गत संस्थात्मक गुंतवणूकदारांनी ६,३३३ कोटी रुपयांपेक्षा जास्त निव्वळ खरेदी केली आहे.
मुंबईत २४ कॅरेट शुद्ध असलेल्या दहा ग्रॅम अर्थात एक तोळा सोन्याचा दर १,६३,३१० रुपये आहे जो मंगळवारी १,६२,३८० रुपये होता. मुंबईत २४ कॅरेट शुद्ध असलेल्या दहा ग्रॅम अर्थात एक तोळा सोन्याच्या दरात ९३० रुपयांची वाढ झाली आहे. मुंबईत २२ कॅरेट शुद्ध असलेल्या दहा ग्रॅम अर्थात एक तोळा सोन्याचा दर १,४९,७०० रुपये आहे जो मंगळवारी १,४८,८५० रुपये होता. मुंबईत २२ कॅरेट शुद्ध असलेल्या दहा ग्रॅम अर्थात एक तोळा सोन्याच्या दरात ८५० रुपयांची वाढ झाली आहे. मुंबईत एक किलो चांदीचा दर २,९०,००० रुपये आहे जो मंगळवारीही तेवढाच होता. चांदीच्या दरात बदल झालेला नाही.