मुंबई : गेल्या काही दिवसांपासून मध्यपूर्वेत युद्ध पेटले आहे. त्यामुळे वाहतूक ही पूर्णपणे बंद ठेवण्यात आली आहे. आखाती देशांमध्ये अडकलेल्या नागरिकांना परत आणण्याचे प्रत्येक सरकारचे काम हे चालू आहे. प्रत्येक देश आपल्या परीने आपल्या नागरिकांना सुखरूप आणण्याचा प्रयत्न करत आहेत.
गेल्या काही दिवसांपूर्वी मराठी अभिनेत्री विशाखा सुभेदार यांनी त्यांचा मुलगा अभिनय कुवेत मध्ये अडकला आहे त्याबद्दल व्हिडिओ शेअर केला होता, अभिनय लंडनला जात असताना कुवेत येथे त्याचा लेओव्हर होता. मात्र मध्यपुर्वेतील तणावपूर्ण परिस्तिथी आणि उड्डाणे रद्द झाल्यामुळे तो कुवेतमधे अडकून पडला होता. त्याला परत भारतात आणण्यासाठी मदतीची याचना करणारा व्हिडिओ शेअर केला होता. विशाखा सुभेदार यांनी भारत सरकारकडे तसेच महाराष्ट्रातील नेत्यांकडे मदतीची आर्त विंनती केली, त्यांनी पंतप्रधान नरेंद्र मोदी, महाराष्ट्राचे मुख्यमंत्री देवेंद्र फडणवीस तसेच इतर सोशल मीडियावर टॅग करत मुलाला सुरक्षितपणे आणण्यासाठी मदत करण्याची मागणी केली होती. अनेक मराठी कलाकारांनी सुद्धा मुख्यमंत्र्यांकडे कॉमेंट्सच्या माध्यमांतून मदतीची याचना केली
या तणावामुळे अनेक भारतीय नागरिक त्या भागात अडकले होते. अभिनय होती आणि आज पुन्हा त्यांचा मुलगा अभिनय भारतात परातल्याच व्हिडीओ शेअर केला आहे.सह अनेक प्रवाशांची काही काळ हॉटेलमध्ये राहण्याची व्यवस्था करण्यात आली होती. परिस्तिथी गंभीर असल्याने कुटुंबियांमध्ये मोठी चिंता झाली होती. अखेर महाराष्ट्र सरकारच्या प्रयत्नांमुळे अभिनय सुभेदार सुरक्षितपणे आज भारतात परतला आहे. या मदतीबद्दल विशाखा सुभेदार यांनी सरकारचे देवेंद्र फडणवीसांचे आभार मानले, मुलगा सुखरूप घरी परतल्याने त्यांच्या कुटुंबियात आनंदाचे वातावरण आहे.