गेल्या काही दिवसांपासून अमेरिका-इस्रायलचा इराणवर संयुक्त हल्ला सुरूच आहे. इराणही या हल्ल्यांना चोख उत्तर देत आहे. अशातच आता अमेरिकेने इराणवर सर्वात मोठा हल्ला केला आहे.
शनिवार ७ मार्च रोजी अमेरिकेचे अध्यक्ष डोनाल्ड ट्रम्प यांनी इराणवर मध्यरात्री मोठा हल्ला करणार असल्याची धमकी दिली. त्यानंतर अमेरिका आणि इस्त्रायलकडून अत्यंत घातक हल्ला इराणवर करण्यात आला. अमेरिकेने तेहरानमध्ये हा सर्वात मोठा हल्ला केला.
अमेरिकेकडून थेट तेल डेपोवर हल्ला :
इराणची राजधानी तेहरानवर अमेरिकेकडून बॉम्बहल्ला करण्यात आला आहे. इस्रायल आणि अमेरिकेने मेहराबाद विमानतळाला बॉम्ब हल्ले केले. विमानाच्या इंधन डेपोवरही हल्ला करण्यात आला आहे. या हल्ल्यानंतर मोठा धमका झाला. इराणच्या तेहरानमध्ये अमेरिकेने थेट तेल डेपोवर हल्ला करत आग लावली. यानंतर आकाशात धूर पसरला. आग मोठी भडकली आणि फक्त धूरच दिसत होता.
इराणचे मोठे नुकसान :
अमेरिकेने केलेल्या या इंधन डेपोवरील हल्ल्यात इराणचे मोठे नुकसान झाले आहे. तेहरान शहर अमेरिका आणि इस्त्रायलच्या सुरूवातीपासूनच निशाण्यावर आहे. त्यामध्येच आता थेट हल्ले करण्यात आला आहे. आता या हल्ल्याला इराण कसं उत्तर देईल याची कल्पना करणं कठीण आहे.
इराण आपल्या भूमिकेवर ठाम :
सतत इतके मोठे हल्ले होत असतानाही इराण हार मानत नाही आहे. आपण कोणत्याही परिस्थितीत शरणागती स्वीकारणार नाही असे इराणने स्पष्ट सांगितले आहे.