मिनाब : अमेरिका आणि इस्रायलने इराणवर हल्ले सुरू केले त्याला इराणने प्रत्युत्तर देण्यास सुरुवात केली आणि नव्या युद्धाला तोंड फुटले. पश्चिम आशियात नवा संघर्ष सुरू झाला. युद्धाच्या पहिल्याच दिवशी अमेरिका आणि इस्रायलच्या संयुक्त हवाई हल्ल्यात दक्षिण इराणमधील मिनाब येथे घडलेल्या घटनेने जगभरात खळबळ उडवली आहे. एका प्राथमिक शाळेवर झालेल्या भीषण हल्ल्यात १६५ लहान विद्यार्थिनींचा मृत्यू झाल्याची माहिती समोर आली आहे. मंगळवारी या चिमुकल्यांना दफन करण्यात आल्यानंतरची दृश्ये सोशल मीडियावर व्हायरल झाली आणि संपूर्ण जग अस्वस्थ झाले.
जेसीबीने खोदावी लागली १६५ थडगी
मृत मुलींची संख्या मोठी असल्याने एकाच वेळी १६५ थडगी खोदावी लागली. मानवी श्रमांऐवजी जेसीबीच्या सहाय्याने थडगी खोदली गेली . उंचावरून टिपलेला फोटो व्हायरल होताच जगभरातून हजारो लोकांनी दु:ख आणि संताप व्यक्त केला. अनेक इराणी पालकांनी आपल्या निष्पाप मुलींना अखेरचा निरोप देताना टाहो फोडला.
अमेरिकेतूनही उमटली प्रतिक्रिया
या फोटोंवर अमेरिकेचे माजी राष्ट्राध्यक्ष डोनाल्ड ट्रम्प यांच्या पुतणी मेरी एल ट्रम्प हिने सोशल मीडियावर . “या क्रूरतेचे समर्थन करून दाखवावे,” असे आव्हान देत त्यांनी संताप व्यक्त केला.
इराणकडून अमेरिकेवर टीका
इराणचे परराष्ट्र मंत्री अब्बास अराघची यांनीही या थडग्यांचे फोटो शेअर करत अमेरिकेवर निशाणा साधला. त्यांनी आपल्या पोस्टमध्ये नागरिकांच्या हत्येचा मुद्दा उपस्थित करत कठोर शब्दांत टीका केली आहे.
जगाचा एकच सवाल – या मुलांचा गुन्हा काय?
या घटनेनंतर इस्रायल आणि अमेरिकेच्या लष्करी कारवाईवर प्रश्नचिन्ह उपस्थित केले जात आहे. मुद्दाम शाळांना लक्ष्य करून युद्ध करणे हे चुकीचे आहे. यात त्या निष्पाप मुलांचा काय गुन्हा हा एकच प्रश्न जग विचारत आहे.