मुंबई (विशेष प्रतिनिधी) : रोमानिया – मिलिसाऊटी शहराच्या महापौर वांगले कॅमेरे यांनी मुंबईच्या महापौर श्रीमती रितू राजेश तावडे यांची सोमवारी २३ फेब्रुवारी २०२६ रोजी महापौर दालनात सदिच्छा भेट घेतली. रोमानिया – मिलिसाऊटी शहराची घनकचरा व्यवस्थापन प्रणाली, कचऱ्यापासून वीज निर्मिती तसेच तेथील नवनवीन उपक्रम याची माहिती मुंबईच्या महापौरांनी रोमानिया – मिलिसाऊटी शहराचेमहापौर वांगले कॅमेरे यांच्याकडून जाणून घेतली.
प्रारंभी, महापौर रितू तावडे यांनी रोमानिया – मिलिसाऊटी शहराच्या महापौर वांगले कॅमेरे यांचे पुष्पगुच्छ व भेटवस्तू देऊन सत्कार केला. याप्रसंगी सहआयुक्त (सुधार) संजोग कबरे, उपायुक्त (घनकचरा व्यवस्थापन) किरण दिघावकर, प्रमुख अभियंता (रस्ते व वाहतूक) स्वामी, व्यवसाय विकास विभागाच्या प्रमुख शशी बाला उपस्थित होत्या.