‘बैटल ऑफ गलवान’च्या टीझरला मिळालेल्या जबरदस्त प्रतिसादानंतर Salman Khan Films प्रेक्षकांच्या मनाला सतत स्पर्श करत आहे. अलीकडेच प्रदर्शित झालेली ‘मातृभूमी’ आणि ‘मैं हूँ’ ही गीते देशभक्तीची भावना अधिक तीव्र करत असून, त्यांना सर्वत्र मोठा प्रतिसाद मिळत आहे. आता निर्मात्यांनी खऱ्या लष्करी दिग्गज आणि त्यांच्या कुटुंबियांच्या भावनिक आठवणींची खास व्हिडिओ मालिका सादर केली आहे, जी प्रत्येक सैनिकामागे उभी असलेल्या शांत पण खंबीर शक्तीला सलाम करते.
हे व्हिडिओ शेअर करताना निर्मात्यांनी लिहिले, “बैटल ऑफ गलवान त्या आर्मी व्हेटरन्सच्या कुटुंबियांना सलाम करते, ज्यांनी प्रत्येक पोस्टिंग, प्रत्येक निरोप आणि प्रत्येक घरी परतण्याचा क्षण जगला आहे
पहिल्या व्हिडिओमध्ये तिसरी गोरखा रायफल्सचे कर्नल महीप सिंह चड्ढा यांची कन्या मिसेस गानवी चड्ढा दिसतात. 1965 आणि 1971 च्या युद्धात सहभागी झालेल्या आपल्या वडिलांच्या आठवणी त्या प्रेमाने सांगतात. त्या सांगतात की फील्ड एरियामध्ये तैनात असताना फोनवर बोलण्यासाठी स्थानिक एक्सचेंजमार्फत कॉल बुक करावा लागे आणि त्यासाठी कडक प्रोटोकॉल पाळावा लागे. घरातील सदस्य त्यांना खूप मिस करत असत, विशेषतः त्यांचा आवडता पदार्थ बनवताना. सुट्टीवर घरी आल्यानंतर सगळे मिळून तोच आवडता पदार्थ खाताना वेगळीच आनंदाची अनुभूती मिळत असे.
दुसऱ्या व्हिडिओमध्ये 16 बिहार रेजिमेंटचे निवृत्त लेफ्टनंट कर्नल जगदीप मनचंदा यांच्या पत्नी मिसेस सविंदर मनचंदा त्या तणावपूर्ण दिवसांच्या आठवणी सांगतात, जेव्हा त्यांच्या पतींच्या युनिटला अरुणाचल प्रदेशमध्ये पाठवण्यात आले होते. वांगचुक जमातीच्या परिसरात सतत धोका असल्याने परिस्थिती तणावपूर्ण होती. दूरध्वनी लाईन दूरवर असल्यामुळे आवाज स्पष्ट येत नसे, पण त्यांच्या आवाजाची एक झलकही त्यांना धीर देण्यासाठी पुरेशी ठरत असे.
तिसऱ्या व्हिडिओमध्ये स्वतः निवृत्त लेफ्टनंट कर्नल जगदीप मनचंदा दिसतात. 1972 ते 2003 या कालावधीत देशाची सेवा करताना घालवलेली 32 वर्षे ते आपल्या आयुष्यातील सर्वात मौल्यवान काळ मानतात. त्यांनी गलवान खोऱ्यातील संघर्षासह अनेक कठीण मोहिमांची आठवण करून भारतीय सेनेबद्दल कृतज्ञता व्यक्त केली.
या हृदयस्पर्शी कथांद्वारे Salman Khan Films केवळ सैनिकांनाच नव्हे, तर त्यांच्या कुटुंबियांनाही आदरांजली अर्पण करत आहे. कारण प्रत्येक गणवेशामागील खरी ताकद ही त्यांच्या कुटुंबियांची हिंमत आणि त्याग असतो.
Salman Khan Filmsच्या बॅनरखाली Salma Khan निर्मित आणि Apoorva Lakhia दिग्दर्शित ‘बैटल ऑफ गलवान’ ही फिल्म शौर्य, बलिदान आणि जिद्दीची खरी कहाणी मोठ्या पडद्यावर साकारण्याचा प्रयत्न करते. अभिनेत्री Chitrangda Singh यांच्या महत्त्वपूर्ण भूमिकेसह, हा चित्रपट युद्धाची तीव्रता आणि कुटुंबाच्या प्रेमातील नाजूक संतुलन प्रभावीपणे मांडण्याचा प्रयत्न करतो.