बडोदा (वडोदरा) : बारावीच्या परीक्षेसाठी २० मिनिटे उशिराने आलेल्या मोहम्मद खान अन्सारीला शिक्षिकेने जाब विचारला. शिक्षिकेने विचारलेल्या प्रश्नाला उत्तर देण्याऐवजी मोहम्मद खान अन्सारीने शिक्षिकेला मारहाण केली. घरात मला कोणीही उलट प्रश्न विचारत नाही मग तू मला विचारणारी कोण ? अशी उद्दाम बडबड करत मोहम्मद खान अन्सारीने धुमाकूळ घातला. या प्रकरणात गुजरात पोलिसांनी मोहम्मद खान अन्सारीला अटक केली.
गुजरातमध्ये बारावीची परीक्षा सुरू आहे. पेपर लिहिण्यासाठी मोहम्मद खान अन्सारी वर्गात २० मिनिटे उशिरा पोहोचला. परीक्षेच्यावेळी एवढा उशिरा पोहोचल्यामुळे वर्गात ड्युटीवर असलेल्या शिक्षिकेने मोहम्मद खान अन्सारीला जाब विचारला. यावर उत्तर देण्याऐवजी घरात मला कोणीही उलट प्रश्न विचारत नाही मग तू मला विचारणारी कोण ? अशी उद्दाम बडबड करत मोहम्मद खान अन्सारीने शिक्षिकेलाच मारहाण सुरू केली. काही विद्यार्थ्यांनी मध्यस्थी केल्यामुळे शिक्षिका वाचली. या प्रकरणात पेपर झाल्यानंतर शिक्षिका पोलिसांकडे लेखी तक्रार नोंदवणार याची जाणीव मोहम्मद खान अन्सारीला झाली. त्याने परीक्षा झाल्यानंतर वडिलांसह मोठा जमाव आणून शिक्षिकेवर दबाव टाकण्याचा प्रयत्न केला. पण शिक्षिका डगमगली नाही. तिने पोलिसांकडे लेखी तक्रार दिली.
पोलिसांनी तक्रारीआधारे तपास सुरू केला आहे. शाळेतीली सीसीटीव्ही फूटेज तपासले. अखेर शिक्षिकेला मारहाण केल्याप्रकरणी मोहम्मद खान अन्सारीला पोलिसांनी पकडले. शाळेतील घटनेचे सीसीटीव्ही फूटेज आता व्हायरल होत आहे.