Netflix Series : बॉलीवूड अभिनेता इमरान हाशमी याच्या वेबसिरीजने सध्या सोशल मीडिया वर धुमाकूळ घातला आहे. २०२६ ची सुरूवात इमरानसाठी अत्यंय दमदार ठरली आहे. नेटफ्लिक्सवरील सलग दोन मोठ्या रिलीजमुळे त्याने ओटीटी प्लॅटफार्मवर ही धुमाकूळ घातला आहे.
'तस्करी: द स्मगलर्स वेब' या वेब सिरीजने केवळ भारतातच नव्हे तर संपूर्ण जगात प्रेक्षकांची मने जिंकली आहेत. गेल्या आठवड्यात ही सिरीज जगातील तब्बल २० देशांमध्ये नेटफ्लिक्सच्या टॉप १० नॉन- इंग्लिश शोजच्या यादीत ट्रेंड होत होती. विशेष म्हणजे यापैकी १० देशांमध्ये या सिरीजने थेट पहिला क्रमांक पटकावला असून, प्रेक्षकवर्गाने या सिरीजला भरभरून प्रतिसाद दिला आहे.
'तस्करी' या सीरिजने अवघ्या १२ दिवसांमध्ये अनेक मोठे रेकॉर्डस् मोडून काढले आहेत. रिलीजच्या पहिल्या दोन आठवड्यातच या सीरिजला तब्बल ५ कोटी ६ लाखांहून अधिक लोकांनी पाहिले आहे .नेटफ्लिक्सने जाहीर केलेल्या ताज्या आकडेवारीनुसार १९ ते २५ जानेवारी २०२६ दरम्यान ‘तस्करी’ने दुसऱ्या आठवड्यातही आपली मजबूत पकड कायम ठेवली आहे. या सीरिजला ३.९ मिलियन लोकांनी पाहिलं आहे.
नीरज पांडे आणि राघव जयरथ यांनी या सीरिजचे संयुक्त दिग्दर्शन केले आहे. कथानकाबरोबरच इमरान हाशमीच्या अभिनयाचे प्रेक्षकांकडून विशेष कौतुक होत आहे. त्यांनी साकारलेली भूमिका प्रेक्षकांच्या पसंतीस उतरली आहे. इमरानसोबतच या सीरिजमध्ये शरद केळकर, नंदीश सिंह संधू आणि अमृता खानविलकर यांसारखे कलाकारही महत्त्वाच्या भूमिकेत दिसतात. ‘तस्करी’ला IMDb वर ७.२ अशी चांगली रेटिंग मिळाली आहे.