नोव्हेंबर २०२५ मध्ये गाठला प्रवाशांचा विक्रमी टप्पा
मुंबई : मुंबईतील छत्रपती शिवाजी महाराज इंटरनॅशनल एअरपोर्ट (सीएसएमआयए)ने नोव्हेंबर २०२५ मध्ये उत्तम प्रवासी वाहतूक कामगिरीची नोंद केली. सणासुदीचा काळ आणि हिवाळ्यामध्ये प्रवासासाठी वाढलेल्या मागणीमुळे या महिन्यादरम्यान ४८ लाख ८८ हजारांहून अधिक प्रवाशी संख्या नोंदवली गेल्याने विक्रमी टप्पा गाठला आहे.
सीएसएमआयएने नोव्हेंबर महिन्यातील १५, २२ व २९ या तीन तारखेला अव्वल प्रवासी वाहतूक रेकॉर्ड्स स्थापित केले आहेत. विमानतळाने २९ नोव्हेंबर २०२५ रोजी १ लाख ७६ हजार प्रवाशांसह आतापर्यंतच्या सर्वोच्च एका दिवसात प्रवासी आकारमानाची नोंद केली.
आंतरराष्ट्रीय गंतव्यांमध्ये दुबई २,०९,७१४ प्रवाशांसह सर्वात वर्दळीचे गंतव्य ठरले, ज्यानंतर लंडन हीथ्रो (१,१२,०४३ प्रवासी) आणि अबु धाबी (१,००,२८४ प्रवासी) यांचा क्रमांक होता. देशांतर्गत गंतव्यांसंदर्भात दिल्ली ६,०९,६४६ प्रवाशांसह अव्वलस्थानी होते, ज्यानंतर बेंगळुरू (४,३६,३०१ प्रवासी) आणि चेन्नई (२,०७,६९२ प्रवासी) यांचा क्रमांक होता.
२९ नोव्हेंबर रोजी प्रवास केलेल्या एकूण १.७६ लाख प्रवाशांपैकी जवळपास १.२२ लाख देशांतर्गत प्रवासी होते, तर ५४,००० हून अधिक आंतरराष्ट्रीय प्रवासी होते. या टप्प्यापूर्वी सीएसएमआयएने २१ नोव्हेंबर २०२५ रोजी १,०३६ च्या आतापर्यंतच्या सर्वोच्च दैनंदिन एअर ट्रॅफिक मूव्हमेंट्सची नोंद केली, ज्यामधून गर्दीच्या प्रवास कालावधीदरम्यान विमानतळाची उत्तम ऑपरेशनल सुसज्जता दिसून येते.
२९ नोव्हेंबर रोजी सर्वोच्च प्रवासी आकारमान असलेले आंतरराष्ट्रीय गंतव्य होते दुबई (७,२०० प्रवासी), लंडन हीथ्रो (४,७६६ प्रवासी), अबु धाबी (३,२१३ प्रवासी), सिंगापूर (३,०५४ प्रवासी) आणि दोहा (२,३६९ प्रवासी). देशांतर्गत नेटवर्कमध्ये प्रमुख गंतव्य जसे दिल्ली (२२,७०३ प्रवासी), बेंगळुरू (११,५६५ प्रवासी), चेन्नई (७,५७८ प्रवासी), कोलकाता (६,६६७ प्रवासी) आणि हैदराबाद (६,५०७ प्रवासी) यांनी प्रबळ मागणीची नोंद केली.
भारतातील सर्वात वर्दळीचे व सर्वोत्तम कनेक्टेड एअरपोर्ट्स असलेल्या सीएसएमआयएने वाढत्या प्रवासी आकारमानाची पूर्तता करणे सुरू ठेवले आहे, तसेच अधिक वाहतूक कालावधीदरम्यान सुलभ ऑपरेशन्सची खात्री घेत आहे. विमानतळाच्या नोव्हेंबर २०२५ मधील उत्तम कामगिरीमधून पसंतीचे देशांतर्गत व आंतरराष्ट्रीय गेटवे म्हणून मुंबईचे स्थान अधिक दृढ झाले आहे, जे आगामी महिन्यांमध्ये वाढत्या प्रवास मागणीची पूर्तता करण्यासाठी उत्तमरित्या सज्ज आहे.
अव्वल एका दिवसाचा प्रवासी वाहतूक रेकॉर्ड्स
दिनांक प्रवासी संख्या एअर ट्रॅफिक मूव्हमेंट्स
२९ नोव्हेंबर २०२५ १.७६ लाख १,०१९
२२ नोव्हेंबर २०२५ १.७२ लाख १,०२१
१५ नोव्हेंबर २०२५ १.७२ लाख १,०२६