मोहित सोमण: डोनाल्ड ट्रम्प यांच्या घोषणेनंतर तांदूळ उत्पादक कंपन्यांच्या शेअर्समध्ये मोठी घसरण झाली आहे. एलटी फूडस, जीआरएम ओव्हरसीज, एडब्लूएल अँग्री बिझनेस, केआरबीएल यांसारख्या शेअर्समध्ये आज घसरण झाली आहे. डोनाल्ड ट्रम्प यांनी डंपिंग विरोधात कार्यवाही करत भारत व इतर देशातील तांदूळ निर्यातदारांवर अतिरिक्त शुल्क वाढवण्याचा निर्णय घेतल्याने त्याचा फटका आज भारतीय तांदूळ कंपनीच्या शेअर्समध्ये जाणवला. युएस मधील शेतकरी फेडरेशन व शेतकी उत्पादक व तज्ञांचे शिष्टमंडळाने डोनाल्ड ट्रम्प यांना व्हाईटहाऊसमध्ये भेटल्यानंतर युएस शेतकऱ्यांच्या उत्पादनात नुकसान टाळण्यासाठी हा निर्णय घेतला आहे. भारत व व्हिएतनाम कॅनडा या देशातील तांदूळ युएस पेक्षा स्वस्त स्पर्धात्मक दरात उपलब्ध असल्याने मोठ्या प्रमाणात युएस बाजाराचे नुकसान झाले असा दावा ट्रम्प यांनी केला ज्याचा फटका राईस शेअर्समध्ये वाढलेल्या 'सेल ऑफ' मुळे होत आहे.
सकाळच्या सत्रात एलटी फूडस ३.४८% घसरत ३७९.८० रूपये प्रति शेअरवर व्यवहार करत असून उर्वरित जीआरएम ओव्हरसीज (१.५४%), एडब्लूएल अँग्री बिझनेस (०.८४%) सारख्या शेअर्समध्ये घसरण सुरू आहे. सकाळच्या सत्रात सुरुवातीला शेअर ७% कोसळले होते. खरं तर अलीकडच्या पार पडलेल्या विश्लेषणात्मक बैठकीत एलटी फूड्सने (एलटीएफओ) त्यांच्या मध्यम मुदतीचा आशावादी अंदाज व्यक्त केला होता. तसेच उत्पादनातील निर्यातीत सापेक्षता दर्शविली होती ज्यामध्ये मुख्य आणि उदयोन्मुख उत्पादन विभागांमध्ये मजबूत वाढीची अपेक्षा केली गेली असे असले तरी कंपनीने जागतिक स्तरावर आपला ठसा वाढविण्यासाठी या प्रादेशिक तांदळाच्या प्रकारांना अमेरिकन बाजारपेठेत सादर करण्याची योजना आखली असतानाच आता वाढत्या अतिरिक्त करामुळे तांदूळ निर्यातांना मोठ्या प्रमाणात नुकसानास सामोरे जावे लागणार आहे. त्यामुळेच संभाव्य शुल्क आकारणीचा या योजनांवर परिणाम होऊ शकतो ज्या कारणाने आज बाजारात तांदूळाचे शेअर सेल ऑफ वाढल्याने मोठ्या पातळीवर घसरले आहेत.