मुंबई : मध्य रेल्वेने महापरिनिर्वाण दिनानिमित्त आंबेडकरी अनुयायांसाठी ४ डिसेंबर ते ८ डिसेंबरपर्यंत १५ विशेष अनारक्षित रेल्वेगाड्या चालवण्याचा निर्णय घेतला आहे. राज्यातील नागपूर, नाशिक, वर्धा या विविध जिल्ह्यातून रेल्वेगाड्या चालवण्यात येणार आहे. या अनुयायांची गैरसोय होऊ नये, यासाठी रेल्वे १५ विशेष रेल्वेगाड्यांची घोषणा केली आहे. अनुयायांसाठी सलग तीन दिवस रेल्वेकडून विशेष गाड्यांची सोय करण्यात आली आहे.
४ डिसेंबर रोजी गाडी क्रमांक ०१२६० नागपूर – छत्रपती शिवाजी महाराज टर्मिनस विशेष गाडी नागपूर येथून १८.१५ वाजता सुटेल. त्यानंतर छत्रपती शिवाजी महाराज टर्मिनस येथे दुसऱ्या दिवशी १०.५५ वाजता पोहोचेल. गाडी क्रमांक ०१२६२, नागपूर – छत्रपती शिवाजी महाराज टर्मिनस विशेष गाडी नागपूर येथून २३.५५ वाजता सुटेल आणि छत्रपती शिवाजी महाराज टर्मिनस येथे दुसऱ्या दिवशी १५.३० वाजता पोहोचेल. ५ डिसेंबर रोजी गाडी क्रमांक ०१२६४ नागपूर – छत्रपती शिवाजी महाराज टर्मिनस विशेष गाडी नागपूर येथून ८ वाजता सुटेल आणि छत्रपती शिवाजी महाराज टर्मिनस येथे त्याच दिवशी २३.४५ वाजता पोहोचेल. गाडी क्रमांक ०१२६६ नागपूर – छत्रपती शिवाजी महाराज टर्मिनस विशेष गाडी नागपूर येथून १८.१५ वाजता सुटेल आणि छत्रपती शिवाजी महाराज टर्मिनस येथे दुसऱ्या दिवशी १०.५५ वाजता पोहोचेल.
६ डिसेंबर रोजी गाडी क्रमांक ०१२४९ छत्रपती शिवाजी महाराज टर्मिनस – नागपूर विशेष गाडी छत्रपती शिवाजी महाराज टर्मिनस येथून २०.५० वाजता सुटेल आणि नागपूर येथे दुसऱ्या दिवशी ११.२० वाजता पोहोचेल. ७ डिसेंबर रोजी गाडी क्रमांक ०१२५१- छत्रपती शिवाजी महाराज टर्मिनस – नागपूर विशेष गाडी छत्रपती शिवाजी महाराज टर्मिनस येथून १०.३० वाजता सुटेल आणि नागपूर येथे दुसऱ्या दिवशी ००.५५ वाजता पोहोचेल. गाडी क्रमांक ०१२५५ छत्रपती शिवाजी महाराज टर्मिनस – नागपूर विशेष गाडी छत्रपती शिवाजी महाराज टर्मिनस येथून १२.३५ वाजता सुटेल आणि नागपूर येथे दुसऱ्या दिवशी ३.०० वाजता पोहोचेल. ८ रोजी सुटणारी गाडी क्रमांक ०१२५७ छत्रपती शिवाजी महाराज टर्मिनस – नागपूर विशेष गाडी छत्रपती शिवाजी महाराज टर्मिनस येथून ००.२० वाजता सुटेल आणि नागपूर येथे त्याच दिवशी १६.१० वाजता पोहोचेल. ७ डिसेंबर रोजी गाडी क्रमांक ०१२५३ दादर – नागपूर विशेष गाडी दादर येथून ००.४० वाजता सुटेल आणि नागपूर येथे त्याच दिवशी १६.१० वाजता पोहोचेल.