दहशतवादी मॉड्यूलचा पर्दाफाश: दोन डॉक्टरांसह सात जणांना अटक
श्रीनगर : जम्मू-काश्मीर पोलिसांनी आंतरराज्यीय व आंतरराष्ट्रीय पातळीवर सक्रिय असलेल्या एका मोठ्या दहशतवादी मॉड्यूलचा पर्दाफाश केल्याचा दावा केला आहे. पोलिसांच्या मते हे रॅकेट प्रतिबंधित दहशतवादी संघटना जैश-ए-मोहम्मद (जेईएम) आणि अंसार गझवत-उल-हिंदशी संबंधित होते. या कारवाईतून अनेक प्रमुख दहशतवादी आरोपींना अटक करण्यात आली असून त्यांच्या ताब्यातून मोठ्या प्रमाणावर शस्त्रसाठा, दारुगोळा आणि स्फोटके जप्त करण्यात आली आहेत. चौकशीत असे उघड झाले आहे की या मॉड्यूलमध्ये शिक्षित व मध्यमवर्गीय लोकही गुंतलेले होते. यात व्यावसायिक, विद्यार्थी आणि परदेशी हँडलर्सशी संपर्कात असलेले लोक यांचा समावेश आहे.
तपासादरम्यान पोलिसांनी श्रीनगर, अनंतनाग, गांदरबल आणि शोपियांमध्ये मोठ्या प्रमाणावर छापे मारले. तसेच हरियाणातील फरीदाबादमध्ये आणि उत्तर प्रदेशातील सहारानपुरमध्ये स्थानिक पोलिसांच्या सहकार्याने कारवाई करण्यात आली. या ताब्यात शोधमोहीमीत दहशतवादाशी संबंधित कागदपत्रे, इलेक्ट्रॉनिक उपकरणे, शस्त्रे, गोळ्यांचा साठा आणि आयईडी तयार करण्यासाठी लागणारे साहित्य मिळून आले.
चौकशीत आतापर्यंत सात आरोपींना अटक केले आहे. त्यात श्रीनगरचे अरिफ निसार डार (साहिल), यासिर-उल-आशरफ, मक्सूद अहमद डार (शहीद); शोपियांहून मौलवी इरफान अहमद (मस्जिदचे इमाम); गांदरबलहून जमीर अहमद आहंगर (मुतलाशा); पुलवामा येथील डॉ. मुजम्मिल अहमद गनाई (मुसैब) आणि कुलगाम येथून डॉ. अदील यांचा समावेश आहे. पोलिसांन दिलेल्या माहितीप्रमाणे सर्व आरोपी परदेशी हँडलर्सच्या संपर्कात होते आणि मॉड्यूलच्या कारभारात सहभागी होते.
तपासात महत्त्वाची शस्त्रे व स्फोटके जप्त करण्यात आली. बरामद झालेल्या शस्त्रांत एका चिनी ‘स्टार’ पिस्तुल, एक बेरेट्टा पिस्तुल, एक एके-५६ रायफल व एक एके क्रिंकोव रायफल आणि त्यांना संबंधित गोळ्या मुबलक प्रमाणात आहेत. याशिवाय पोलिसांनी सुमारे २,९०० किलो आयईडी तयार करण्यासाठी लागणारी साहित्य जप्त केल्याची माहिती दिली आहे. या वस्तूमध्ये स्फोटके, रासायनिक पदार्थ, प्रतिक्रियाशील वस्तू, ज्वलनशील साहित्य, इलेक्ट्रॉनिक सर्किट, बॅटरी, तारे, रिमोट कंट्रोल, टाइमर व मेटल शीट यांचा समावेश आहे आणि पोलिसांच्या म्हणण्यानुसार ही सामग्री दहशतवादी हल्ल्यांसाठी वापरली जाऊ शकली असती.
जम्मू-काश्मीर पोलिसांनी पुढे सांगितले की या मॉड्यूलशी संबंधित निधी स्रोतांची चौकशी वेगाने सुरू आहे. सर्व आर्थिक दुवे व बाहेरील सहाय्याचे तपशील एकएक करून गोळा केले जात आहेत आणि त्यांना वेळेत उखडून टाकले जाईल.