मोहित सोमण:आज शुक्रवारी सकाळी घसरलेल्या सोन्याने संध्याकाळपर्यंत पुन्हा एकदा कमबॅक केले आहे. घसरलेल्या सोन्यात पुन्हा एकदा मोठी वाढ झाली आहे. एकीकडे जागतिक स्थैर्याचे संकेत मिळत असताना घसरलेल्या मागणीसह घसरलेल्या स्पॉट डॉ लरमुळे घसरण झाली होती. आगामी आठवड्यातील डोनाल्ड ट्रम्प व शी जिंगपींग यांच्या प्रस्तावित भेटीचे संकेत मिळताच काल सोन्यात मोठी घसरण झाली होती ती सकाळी कायम होती. मात्र पुन्हा एकदा मोठ्या प्रमाणात गुंतवणूकदारांनी सावधगिरी बाळगल्या ने तसेच डॉलरमध्ये पुन्हा एकदा वाढ झाल्याने व आगामी ग्राहक किंमत निर्देशांकातील आकडेवारीकडे गुंतवणूकदारांनी लक्ष केंद्रित केल्याने आज संध्याकाळी सोने महागले आहे. 'गुडरिटर्न्स' संकेतस्थळावरील माहितीनुसार, संध्याकाळपर्यंत २४ कॅरेट सोन्याच्या प्रति ग्रॅम दरात ३८ रूपयांनी, २२ कॅरेट सोन्याच्या प्रति ग्रॅम दरात ३५ रूपयांनी, १८ कॅरेट सोन्याच्या प्रति ग्रॅम दरात २८ रुपयांनी वाढ झाली. परिणामी सोन्याचे प्रति ग्रॅम दर २४ कॅरेटसाठी १२५४६ रूपयांवर, २२ कॅरेटसाठी ११५०० रूपयांवर, १८ कॅरेटसाठी ९४०९ रूपयांवर पोहोचले आहेत.
संकेतस्थळावरील माहितीनुसार, २४ कॅरेट सोन्याच्या प्रति तोळा किंमतीत ३८० रूपये, २२ कॅरेट सोन्याच्या प्रति तोळा किंमतीत ३५० रुपयांनी, १८ कॅरेट सोन्याच्या प्रति तोळा किंमतीत २८० रूपयांनी वाढ झाली आहे. त्यामुळे प्रति तोळा दर २४ कॅरेटसाठी १२५४ ६० रूपयांवर,२२ कॅरेटसाठी ११५००० रूपयांवर, १८ कॅरेटसाठी ९४०९० रूपयांवर पोहोचले आहेत. एमसीएक्समवर (Multi Commodity Exchange MCX) डिसेंबर डिलिव्हरीसाठी सोन्याचा वायदा भाव १८०० रुपये किंवा १.४८% वाढून १२३६५७ रुपये प्रति १० ग्रॅम झाला, जो मागील सत्रातील तीव्र घसरणीपासून पुन्हा वाढला. बुधवारी, सोने ६४१४ रुपये किंवा ५% घसरून १२१८५७ रुपये प्रति १० ग्रॅमवर स्थिरावले होते. नफा वसूलीसह अमेरिकन डॉलरमध्ये वाढ आणि जागतिक जोखीम भावना सुधारल्यामुळे सुरक्षित-निवास मागणी कमी झाल्यामुळे सोन्यात हे प्राईज करेक्शन झाले आहे.
मुंबईसह भारतातील प्रमुख शहरातील सोन्याचे प्रति ग्रॅम सरासरी दर २४ कॅरेटसाठी १२५४६, २२ कॅरेटसाठी ११५००, १८ कॅरेटसाठी ९४०९ रूपयांवर पोहोचला. जागतिक पातळीवर, डिसेंबर डिलिव्हरीसाठी कॉमेक्स सोन्याचा वायदा गुरुवारी $७३.४४ किंवा १.८१ % वाढून $४१३८.८४ प्रति औंस झाला, जो आठवड्याच्या सुरुवातीला $४३९८ प्रति औंसच्या विक्रमी उच्चांकाला स्पर्श केल्यानंतर किंचित सुधारला आहे. संध्याकाळपर्यंत सोन्याच्या गोल्ड फ्युचर निर्देशांकात १.५६% घसरण झाली असून युएस गोल्ड स्पॉट दरात संध्याकाळपर्यंत १.४४% घसरण झाली आहे.
व्हाईट हाऊसने गुरुवारी पुष्टी केली की राष्ट्राध्यक्ष डोनाल्ड ट्रम्प पुढील आठवड्यात दक्षिण कोरियामध्ये चीनचे अध्यक्ष शी जिनपिंग यांची भेट घेणार आहेत. जगातील दोन सर्वात मोठ्या अर्थव्यवस्थांमधील व्यापारी संबंधांमध्ये सुधारणा होण्याची आशा गुंतवणूकदा रांना निर्माण झाली आहे.सप्टेंबरसाठी अमेरिकन ग्राहक किंमत निर्देशांक (सीपीआय) च्या विलंबित प्रकाशनापूर्वी व्यापारी देखील सावध झाले आहेत, जो फेडरल रिझर्व्हच्या धोरणात्मक दृष्टिकोनासाठी एक प्रमुख सूचक असू शकतो. या महिन्याच्या सुरुवातीला सुरू असलेल्या अमेरिकन सरकारच्या शटडाऊनमुळे पुढे ढकलण्यात आलेला डेटा, पुढील आठवड्यात फेडच्या बैठकीच्या अपेक्षांना आकार देण्यासाठी महत्त्वपूर्ण मानला जात आहे जिथे बाजार २५-बेसिस पूर्णांकाने कपात करत आहे. त्यामुळे सोन्यातील हालचाल मोठ्या प्रमाणात वाढल्याने स्वाभाविकपणे सोन्यातील दरात चढउतार मोठ्या प्रमाणात सुरु आहे