मुंबई : अहमदाबाद विमान अपघातानंतर अलीकडे सतत विमान अपघातांची संख्या वाढलेली दिसते. हवाई प्रवास हा सुखकर, सोयीस्कर आणि सुरक्षित मानला जायचा. पण यात सुद्धा अपपघातांचे प्रमाण आपल्याला वाढलेले दिसून येते.
आजची एक मोठी विमान दुर्घटना घडली ती हाँगकाँगमध्ये.
सोमवारी हाँगकाँगच्या एका कार्गो म्हणजे मालवाहू विमान धावपट्टीवरून घसरलं ते थेट समुद्रात जाऊन कोसळलं. या भीषण अपघातात दोन जणांचा मृत्यू झाला.
हे विमान तुर्कीची मालवाहतूक करणाऱ्या एअर लाईन कंपनीचे होते. एमिरेट्स हे विमान EK९७८८, बोईंग ७४७-४८१ , स्थानिक वेळेनुसार जवळपास ०३ : ५० मिनिटांनी दुबईवरून येत होतं. धावपट्टीवर एका वाहनाशी या विमानाची टक्कर झाली.
जखमींना तात्काळ रुग्णालयात हलवलं
विमानतळावरील दोन ग्राउंड स्टाफ समुद्रात पडले असं सिविल एव्हिएशन डिपार्टमेंट कडून सांगण्यात आले. त्यांना रुग्णालयात हलवले असता उपचारादरम्यान त्यांचा मृत्यू झाला. विमानातून प्रवास करणारे चालक दलाच्या चार सदस्यांचे प्राण वाचले. त्यांना रुग्णालयात नेण्यात आल आहे.
हेलिकॉप्टर्स तैनात
ज्या धावपट्टीवर दुर्घटना घडली तो बंद करण्यात आला आहे. पण विमानतळावरील इतर दोन धावपट्ट्या सुरु आहेत. या प्रकरणी एअरपोर्ट प्रशासन लवकरच पत्रकार आप्रीषध घेणार आहे. रनवे वर हेलिकॉप्टर्स तैनात केले आहे. फायर ब्रिगेडच्या बोटी मदत बचाव कार्यात गुंतल्या आहेत.
हा असा अपघात दुर्मिळच
विमानतळ प्राधिकरणाने आपल्या वेब साईट वर दिलेल्या माहितीनुसार सोमवारी हाँगकाँग आंतरराष्ट्रीय विमानतळावर येणारी कमीत कमी ११ कार्गो फ्लाईट्स रद्द करण्यात आली आहेत. या विमानतळाचा सुरक्षा रेकॉर्ड खूप उत्तम आहे. तरी सुद्धा असा अपघात झाल्याने आश्चर्य व्यक्त होत आहे.