धनत्रयोदशी म्हणजे लक्ष्मीपूजनेची सुरुवात. या दिवशी सोने-चांदी खरेदी करणे शुभ मानले जाते. मात्र, सध्या सोन्याचे भाव गगनाला भिडले आहेत, त्यामुळे बऱ्याच जणांसाठी चांदी हा अधिक परवडणारा आणि शुभ पर्याय ठरत आहे. चांदी केवळ शुभतेचं प्रतीक नसून ती आरोग्य आणि समृद्धीचेही चिन्ह मानली जाते. चला तर मग पाहूया, या धनत्रयोदशीला कोणत्या बजेट-फ्रेंडली चांदीच्या वस्तू खरेदी करून तुम्ही शुभारंभ करू शकता.
१. चांदीची अंगठी
जर तुमचं बजेट थोडं कमी असेल, तर चांदीची अंगठी हा सर्वोत्तम पर्याय आहे. ही अंगठी तुम्हाला ७०० ते १,००० रुपयांच्या दरम्यान मिळू शकते. ती रोज वापरता येते आणि शुभ मानली जाते. काहीजण ग्रहदोष निवारणासाठी देखील चांदीची अंगठी वापरतात.
२. चांदीची सिंदूर डबी
सिंदूर हे विवाहबंधनाचं प्रतीक. म्हणून, त्यासाठी खास चांदीची डबी ठेवणे शुभ मानले जाते. धनत्रयोदशीच्या दिवशी अशा डबीची खरेदी केल्यास घरात लक्ष्मीचे आगमन होते, असे मानले जाते. ही डबी तुम्हाला १,००० ते २,००० रुपयांपर्यंत सहज उपलब्ध आहेत.
३. चांदीची पैंजण
पैंजण हे प्रत्येक स्त्रीचं आवडतं दागिनं आहे. हलक्या आणि सुंदर डिझाईन्समध्ये चांदीच्या पैंजणांचा आजकाल ट्रेंड आहे. २,००० ते ३,००० रुपयांमध्ये तुम्हाला चांगल्या क्वालिटीची पैंजण मिळू शकतात. हे पैंजण केवळ शोभिवंतच नव्हे तर पारंपरिकतेचंही प्रतीक आहेत.
४. देवी लक्ष्मीची चांदीची मूर्ती
दिवाळी म्हटली की लक्ष्मीपूजेचा दिवस आलाच. देवी लक्ष्मीची चांदीची मूर्ती ही घरासाठी अत्यंत शुभ मानली जाते. ही मूर्ती घरात ठेवणे म्हणजे संपन्नतेला आमंत्रण देणे. १,५०० ते ३,५०० रुपयांपर्यंत सुंदर मूर्ती उपलब्ध आहेत.
५. चांदीची नाणी
धनत्रयोदशीला चांदीची नाणी खरेदी करणे ही प्राचीन परंपरा आहे. ही नाणी देवी लक्ष्मी किंवा गणपतीच्या प्रतिमेसह मिळतात आणि शुभ मानली जातात. ती भेटवस्तू म्हणून देणंही योग्य ठरतं. काही दुकानदार ५०० रुपयांपासून सुरुवात असलेली नाणी देखील मिळतात.
६. चांदीचे ब्रेसलेट
आजकाल चांदीचे ब्रेसलेट्स फॅशन ट्रेंडमध्ये आहेत. पुरुष आणि महिला दोघांसाठीही हलक्या वजनात व आकर्षक डिझाईन्समध्ये उपलब्ध आहेत. २,००० ते ३,५०० रुपयांपर्यंत तुम्हाला दर्जेदार ब्रेसलेट मिळू शकतात.
७. चांदीचे छोटे पूजावस्तू सेट
धनत्रयोदशीच्या निमित्ताने तुम्ही चांदीचे छोटे पूजावस्तू सेट घेऊ शकता, जसे की आरतीचा ताट, छोटं कलश, घंटा किंवा छोटं दिवा सेट.
हे सेट २,००० रुपयांच्या आत मिळतात आणि देवघर अधिक सुंदर बनवतात.
सोन्याचे भाव वाढले असले तरी शुभ खरेदी थांबवायची गरज नाही. चांदीची वस्तू ही सौंदर्य, परंपरा आणि शुभत्वाचं परिपूर्ण मिश्रण आहे. या धनत्रयोदशीला बजेटमध्ये राहून चांदी खरेदी करून लक्ष्मीचे स्वागत करा आणि आपल्या घरात समृद्धी आणा.