पण अद्यापही त्याच्या मृत्यूचं कोडं सुटलेलं नाही. गुंता वाढत आहे. झुबीन गर्ग याचा मृत्यू अपघात नाही तर खून आहे अश्या चर्चांना उधाण आले आहे. झुबीन गर्ग याचा मृत्यू १९ सप्टेंबर रोजी सिंगापूर मध्ये लॅझरस आयर्लंड जवळ झाला. त्याच्या मृत्यूनंतर एसआयटी स्थापन झाली आहे. ही एसआयटी झुबीनच्या मृत्यूची चौकशी करत आहे.तपास सुरू झाला आणि १ ऑक्टोबर रोजी झुबीनचा मॅनेजर सिद्धार्थ शर्मा याला अटक करण्यात आली. तो दीर्घ काळापासून झुबीनसाठी काम करत होता.
रिमांड नोट मध्ये काय आहे
५२ वर्षाचा झुबीन गर्ग याचा सिंगापूर मध्ये लॅझरस आयर्लंड जवळ नॉर्थइस्ट इंडिया फेस्टिवल season ४ दरम्यान आउटिंग करतेवेळी मृत्यू झाला. मृत्यू हा बुडून झाला असे सांगण्यात आले होते. पण एआयटीने सादर केलेल्या रिमांड नुसार संशयास्पद मृत्यूची नोंद करण्यात आली. एसआयटी रिमांड नोटमध्ये झुबीनच्या को सिंगर अमृता प्रभा महंत आणि अभिनेत्री निश्चित गोस्वामी यांचाही उल्लेख आहे.झुबीन गर्गच्या जवळच्या व्यक्ती बंडमेंट शेखर ज्योती गोस्वामी यांनी आरोप केला की मॅनेजर सिद्धार्थ शर्मा आणि फेस्टिवल आयोजक श्यामकाणु महंत यांनी गायकाला विष दिलं. हा कट खूप आधीपासून रचण्यात आला होता म्हणून मुद्दामून एका विदेशी ठिकाणाची निवड केली गेली. शेखर ज्योती यांनी असे सांगितले कि यॉटवर मॅनेजर सिद्धार्थ शर्मा यांनी दारू पुरवली. आणि कोणताही व्हिडीओ शूट करण्यास नकार दिला शिवाय जबरदस्तीने कार्यक्रमाची सगळी सूत्रे स्वतःच्या हातात घेतली.
नाक आणि तोंडातून फेस
साक्षीदाराच्या म्हणण्यानुसार झुबीन गर्ग हे उत्कृष्ठ पोहणारे होते . त्यामुळे बुडून मृत्यू होणं शक्य नाही . झुबीनच्या शेवटच्या क्षणी ते श्वास घेण्यासाठी झगडत होते. नाकातोंडातून फेस येत होता.
तपासाला सुरुवात
एसआयटीने झुबीनच्या मृत्यूचा तपास सुरू केला आहे. सर्व शक्यता तपासण्याचे काम सुरू आहे.