प्रतिनिधी:कॉर्पोरेट कंपन्यांकडून जास्त आगाऊ कर (Advance Tax) वसूल झाल्यामुळे आणि परतफेडीची (Returns) गती मंदावल्याने या आर्थिक वर्षात आतापर्यंत निव्वळ प्रत्यक्ष कर (Nominal Direct Tax Collection) संकलन ९.१८% वाढत १०.८२ लाख कोटी रुपयांपेक्षा जास्त झाले आहे. तसेच सरकारी आकडेवारीनुसार,१ एप्रिल ते १७ सप्टेंबर दरम्यान परतफेड जारी करण्याचे प्रमाण २४% घसरत १.६१ लाख कोटी रुपयांवर आले आहे.आयकर विभागाने दिलेल्या माहितीनुसार, या कालावधीत, कॉर्पोरेट आगा ऊ कर संकलन (Corporate Advance Tax Collection) ६.११% वाढून ३.५२ लाख कोटी रुपयांपेक्षा जास्त झाले आहे. तथापि, बिगर-कॉर्पोरेट आगाऊ कर वसूल ७.३०% घसरून ९६७८४ कोटी रुपयांवर आले आहे. १ एप्रिल ते १७ सप्टेंबर दरम्यान, निव्वळ कॉर्पोरेट कर संकलन ४.७२ लाख कोटी रुपयांपेक्षा जास्त झाले आहे, जे २०२४ मध्ये याच कालावधीत ४.५० लाख कोटी रुपयांपेक्षा जास्त आहे.
बिगर-कॉर्पोरेट कर, ज्यामध्ये व्यक्ती (Individual Person) आणि एचयूएफ (Hindu Undivided Family HUF) समाविष्ट आहेत त्या प्रवर्गात आर्थिक वर्षात आतापर्यंत सुमारे ५.८४ लाख कोटी रुपयांवर कर जमा झाला आहे. गेल्या वर्षीच्या याच कालावधीत ५.१३ लाख कोटी रुपयांपेक्षा यंदाचे संकलन जास्त झाल्याचे या निमित्ताने स्पष्ट झाले.या आर्थिक वर्षात आतापर्यंत सिक्युरिटीज ट्रान्झॅक्शन टॅक्स (एसटीटी) संकलन २६३०६ कोटी रुपये झाले आहे, जे मागील वर्षीच्या करापेक्षा इयर ऑन इयर बेसिसवर (YoY) २६ १५४ कोटी रुपयांपेक्षा जास्त आहे. दरम्यान विना बिगर-कॉर्पोरेट कर संकलनात इयर ऑन इयर बेसिसवर ७.३०% घसरण झाली आहे.
वैयक्तिक उत्पन्न कर आणि कॉर्पोरेट कर यांचा समावेश असलेल्या निव्वळ प्रत्यक्ष कर संकलनात गेल्या वर्षीच्या तुलनेत ९.१८% वाढ होऊन ते या आर्थिक वर्षात १७ सप्टेंबरपर्यंत १०.८२ लाख कोटी रुपयांवर पोहोचले. गेल्या वर्षी संकलन ९.९१ लाख कोटी रुपयांपे क्षा जास्त होते.परतफेड समायोजित करण्यापूर्वी एकूण प्रत्यक्ष कर संकलन या आर्थिक वर्षात १७ सप्टेंबरपर्यंत १२.४३ लाख कोटी रुपयांपेक्षा जास्त होते,जे मागील वर्षीच्या तुलनेत ३.३९ टक्के वाढ आहे. चालू आर्थिक वर्षात (२०२५-२६) सरकारने २५.२० लाख को टी रुपयांचा प्रत्यक्ष कर संकलनाचा अंदाज वर्तवला आहे, जो मागील वर्षीच्या तुलनेत १२.७ टक्क्यांनी जास्त आहे. आर्थिक वर्ष २६ मध्ये एसटीटीमधून ७८००० कोटी रुपये गोळा करण्याचे सरकारचे उद्दिष्ट आहे.