मोहित सोमण:आज जागतिक अस्थिरतेच्या तोंडावर जागतिक सोन्याच्या दरपातळीत घसरण झाली. या महिन्यात युएस फेडरल रिझर्व्ह व्याजदरात कपात होईल अशी शक्यता असली तरी किती बीपीएसने होईल हे अनिश्चित असल्याने आजही सोन्यात अस्थिरता कायम होती. तसेच युएस बाजारातील कमुकवत रोजगार आकडेवारीच्या पार्श्वभूमीवर व डॉलर निर्देशांकात सातत्याने वाढ होत असल्याने आज सोने किरकोळ दराने स्वस्त झाले आहे. ' गुडरिटर्न्स' संकेतस्थळावरील माहितीनुसार, आज २४ कॅरेट सोन्याच्या प्रति ग्रॅम दरात १ रुपयाने, २२ कॅरेट सोन्याच्या प्रति ग्रॅम दरात १ रुपयाने, १८ कॅरेट सोन्याच्या प्रति ग्रॅम दरात १ रूपयाने घसरण झाली आहे. त्यामुळे प्रति ग्रॅम दर २४ कॅरेटसाठी १०८४८ रूपये, २२ कॅरेटसाठी ९९४४ रूपये, १८ कॅरेटसाठी ८१३६ रूपयांवर पोहोचली आ हे.
संकेतस्थळावरील माहितीनुसार, प्रति तोळा किंमतीतही घसरण झाली आहे. २४ कॅरेट सोन्याच्या दरात १० रूपये, २२ कॅरेट सोन्याच्या दरात १० रूपये, १८ कॅरेट सोन्याच्या दरात १० रूपये घसरण झाली. परिणामी प्रति तोळा दर २४ कॅरेटसाठी १०८४८० रूपया वर, २२ कॅरेटसाठी ९९४४० रूपये, १८ कॅरेटसाठी ८१३५० रूपयांवर पोहोचले आहेत. मुंबईसह भारतातील प्रमुख शहरातील सोन्याचे प्रति ग्रॅम सरासरी दर २४ कॅरेटसाठी १०८४७ रूपये, २२ कॅरेटसाठी ९९४४ रूपयांवर गेले आहेत.
जागतिक पातळीवरील गोल्ड फ्युचर निर्देशांकात सकाळी ०.६५% घसरण झाली आहे. तर सकाळी जागतिक मानक म्हणून ओळखल्या जाणाऱ्या युएस गोल्ड स्पॉट दरात ०.०५% घसरण झाली आहे. भारतीय कमोडिटी बाजारातील एमसीएक्समध्ये (Multi Co mmodity Exchange MCX) मध्ये सोन्याच्या निर्देशांकात ०.०१% वाढ झाल्याने सोने दरपातळी १०७७४० रुपयांवर पोहोचली आहे.
चांदीच्या दरातही घसरण !
आज औद्योगिक क्षेत्रातील सतत बदलत्या समीकरणामुळे आज चांदीत घसरण झाली आहे. रशिया युक्रेन युद्धाच्या पार्श्वभूमीसह युएस बाजारातील घसरलेली रोजगार आकडेवारी अशा कारणांमुळे तसेच औद्योगिक मागणीसह घसरलेल्या स्पॉट बेटिंग मागणीमुळे आज चांदी घसरली.
'गुडरिटर्न्स ' संकेतस्थळावरील माहितीनुसार, चांदीच्या प्रति ग्रॅम दरात १ रूपयाने, प्रति किलो दरात १००० रूपयांनी घसरण झाली आहे. त्यामुळे प्रति ग्रॅम दर १२७ रूपये, प्रति किलो दर १२७००० रूपयांवर गेले आहेत. संकेतस्थळावरील माहितीनुसार, भारतीय सराफा बाजारातील चांदीचा प्रति १० ग्रॅम सरासरी दर १२७० रूपये, प्रति किलो दर १२७०० रूपयांवर पोहोचला आहे. चांदीच्या जागतिक पातळीवरील सिल्वर फ्युचर निर्देशांकात ०.११% घसरण झाली आहे. भारतीय कमोडिटी बाजारातील एमसीएक्समध्ये चांदी चा दर ०.७०% घसरल्याने एमसीएक्स दरपातळी १२३८२८.०० रूपयांवर पोहोचली आहे.
