झोनल पॅनलची रचना
या नवीन मॉडेलनुसार देश आठ झोनमध्ये विभागला जाणार असून प्रत्येक झोनमध्ये ISPL मान्यताप्राप्त पॅनल (किंवा फेडरेशन) काम पाहणार आहे. हे पॅनल्स त्या-त्या प्रदेशातील स्पर्धांचं मार्गदर्शन, खेळाडूंचं निरीक्षण, विकास आणि निवड प्रक्रिया सांभाळतील.
अशी असेल झोनल विभागणी
पश्चिम (माझी मुंबई): महाराष्ट्र, गोवा, मध्य प्रदेश
उत्तर (स्रीनगर के वीर): जम्मू-कश्मीर, हिमाचल प्रदेश, पंजाब, हरियाणा
पूर्व (टायगर्स ऑफ कोलकाता): पश्चिम बंगाल, ओडिशा, झारखंड, बिहार आणि ईशान्येकडील सर्व राज्यं
दक्षिण-पूर्व (चेन्नई सिंगम्स): तमिळनाडू, किनारी आंध्र प्रदेश, पुदुच्चेरी
दक्षिण-मध्य (फाल्कन रायझर्स हैदराबाद): तेलंगणा, आंध्र प्रदेश (मध्य), छत्तीसगड
दक्षिण-पश्चिम (बंगलोर स्ट्रायकर्स): कर्नाटक, केरळ
उत्तर-पश्चिम (अहमदाबाद): गुजरात, राजस्थान
मध्य-उत्तर (दिल्ली): दिल्ली, उत्तर प्रदेश, उत्तराखंड
Ajit Pawar On Viral Video Clarify : आधी IPS महिला अधिकाऱ्याला झापलं अन् व्हायरल व्हिडिओनंतर अजित पवारांची स्पष्टोक्ती
सोलापूर : राज्याचे उपमुख्यमंत्री आणि राष्ट्रवादीचे नेते अजित पवार अखेर व्हायरल झालेल्या वादग्रस्त व्हिडिओवर बोलले आहेत. हा प्रकार सोलापूर ...
स्पर्धा व बक्षिसं
आता देशभरात होणाऱ्या स्पर्धांना ISPL कडून संलग्नता मिळवता येणार आहे. संलग्न स्पर्धांना ISPL ब्रँडिंग, स्काऊटिंग नेटवर्क आणि खेळाडू विकासाची संधी मिळेल. विजेत्या संघाला थेट ₹५ लाखाचं बक्षीस मिळणार तर उपविजेत्या संघाला ₹३ लाखाचं बक्षीस मिळणार आहे. तसेच प्रत्येक खेळाडूच्या कामगिरीचं मूल्यमापन ठराविक पॉइंट सिस्टीमनुसार केलं जाईल. Season 4 पासून ISPL लिलावासाठी फक्त पॉइंट्सच्या आधारेच खेळाडू निवडले जाणार असून थेट नोंदणीची प्रथा बंद होईल.
दिग्गजांचं मत काय?
सचिन तेंडुलकर (ISPL कोर कमिटी सदस्य) : “गावागावातून येणारी प्रतिभा शोधणं हीच खरी ताकद आहे. ISPL च्या या आराखड्यामुळे प्रत्येक खेळाडूला मोठ्या स्तरावर पोहोचण्याची संधी मिळेल.”
आशीष शेलार : “ISPL चं झोनल मॉडेल पारदर्शकता, उत्तरदायित्व आणि प्रादेशिक विकासाला चालना देणारं आहे.”
सुरज समत (ISPL कमिशनर) : “या नव्या आराखड्यामुळे टेनिस-बॉल क्रिकेटचं भवितव्य अधिक मजबूत होईल.”
मिनल अमोल काले : “ही फक्त एक लीग नाही, तर गवताच्या पातळीवरील क्रिकेटपटूंना सक्षम करणारी चळवळ आहे.”
वाढतं यश आणि स्टार फ्रँचायझी
सध्या ISPL मध्ये आठ फ्रँचायझी टीम्स आहेत. त्यात अमिताभ बच्चन (माझी मुंबई), अक्षय कुमार (स्रीनगर के वीर), सैफ-करीना (टायगर्स ऑफ कोलकाता), सूर्या (चेन्नई सिंगम्स), ऋतिक रोशन (बंगलोर स्ट्रायकर्स), रामचरण (फाल्कन रायझर्स हैदराबाद), सलमान खान, अजय देवगण आणि इतर बॉलिवूड सुपरस्टार्सचा समावेश आहे. ISPL चं आकर्षण एवढं वाढलं आहे की सीझन २ मध्ये ३० लाख नोंदणी झाल्यानंतर सीझन ३ साठी तब्बल ४२ लाखांपेक्षा जास्त नोंदणी झाल्या आहेत.