पाकिस्तानचा २०२ धावांनी दणदणीत पराभव करत विंडीजने २-१ ने जिंकली वनडे मालिका

त्रिनिदाद :  वेस्ट इंडिज क्रिकेट संघाने तिसऱ्या आणि शेवटच्या एकदिवसीय सामन्यात पाकिस्तानचा २०२ धावांनी पराभव केला. आणि तीन सामन्यांची एकदिवसीय मालिका २-१ अशी जिंकली. या विजयासह विंडीज संघाने इतिहास रचला आहे. शाई होपच्या नेतृत्वाखालील वेस्ट इंडिजने ३४ वर्षांनी पाकिस्तानविरुद्ध एकदिवसीय मालिका जिंकली. वेस्ट इंडिजने याआधी १९९१ मध्ये पाकिस्तानविरुद्ध एकदिवसीय मालिका जिंकली होती. संघाच्या या ऐतिहासिक विजयात कर्णधार शाई होप आणि जेडेन सील्स यांनी महत्त्वाची भूमिका बजावली.


तीन सामन्यांच्या एकदिवसीय मालिकेतील पहिला सामना पाकिस्तानने पाच विकेट्सने जिंकला. त्यानंतर डकवर्थ लुईस नियमानुसार वेस्ट इंडिजने दुसरा एकदिवसीय सामना पाच विकेट्सने जिंकला होता. यासह वेस्ट इंडिजने पाकिस्तानविरुद्धच्या टी-२० मालिकेतील पराभवाचा बदलाही घेतला. पाकिस्तानने तीन सामन्यांची टी-२० मालिका २-१ अशी जिंकली. शतकवीर होपला सामनावीरच्या पुरस्काराने गौरवण्यातआले. तर मालिकेत तीन सामन्यांमध्ये सर्वाधिक १० विकेट्स घेणारा जेडेन सील्स मालिकावीर ठरला.


वेस्ट इंडिजने ठेवलेल्या आव्हानाचा पाठलाग करताना पाकिस्तानचे पहिले चार फलंदाज अपयशी ठरले. संघाचे आठ फलंदाज दुहेरी अंकाचा टप्पा गाठू शकले नाहीत. यातील पाच फलंदाजांना खातेही उघडता आले नाही. संघ २९.२ षटकांत ९२ धावांवर आटोपला. सॅम अयुब, अब्दुल्ला शफीक, कर्णधार रिझवान, हसन अली आणि अबरार अहमद यांना खातेही उघडता आले नाही. त्याच वेळी बाबर आझम फक्त नऊ धावा करू शकला. सलमान आगा ३० धावा, हसन नवाज १३ धावा आणि मोहम्मद नवाज नाबाद २३ धावा दुहेरी अंकाचा टप्पा ओलांडू शकले. हुसेन तलत एक धाव घेत बाद झाला आणि नसीम शाह सहा धावा काढून बाद झाला. वेस्ट इंडिजकडून जादेन सील्सने ७.२ षटकांत १८ धावा देत ६ विकेट्स घेतल्या. याशिवाय मोतीला दोन फलंदाजांना बाद केला. चेसने एक विकेट घेतली.

Comments
Add Comment

ISPL 2025 : ISPL चं ऐतिहासिक पाऊल : टेनिस-बॉल क्रिकेटसाठी राष्ट्रीय स्पर्धात्मक आराखडा आणि झोनल पॅनल रचना लागू

मुंबई : भारतातील टेनिस-बॉल क्रिकेटला व्यावसायिक रूप देणाऱ्या इंडियन स्ट्रीट प्रीमियर लीग (ISPL) ने मोठा निर्णय

संघाला तारणाऱ्या ऋतुराज गायकवाडचे द्विशतक थोडक्यात हुकले

श्रेयस अय्यर २५ तर, जैस्वाल अवघ्या चार धावांवर बाद मुंबई : दुलीप ट्रॉफी २०२५-२६ स्पर्धा सध्या सुरू असून

आयपीएल अध्यक्षपदासाठी संजय नाईक आणि राजीव शुक्ला यांच्यात चुरस!

मुंबई (प्रतिनिधी) : बीसीसीआयची वार्षिक सर्वसाधारण सभा या महिन्याच्या अखेरीस होत आहे. बीसीसीआय आणि आयपीएल

आशिया कपमध्ये कोण असणार भारताचा स्पॉन्सरर ?

मुंबई : आशिया कप स्पर्धेपूर्वी संसदेत एक बिल पास झाले आणि बीसीसीआयच्या जर्सी स्पॉन्सरला गाशा गुंडाळावा लागला.

आर. प्रज्ञानंद फिडे क्लासिकल बुद्धिबळ क्रमवारीत चौथ्या स्थानी

मुंबई  : सिंकफिल्ड बुद्धिबळ करंडकात दुसरे स्थान मिळवलेल्या भारताच्या आर. प्रज्ञानंद याने फिडे क्लासिकल

रोहित शर्माने घटविले तब्बल २० किलो वजन

मुंबई : रोहित शर्माने आंतरराष्ट्रीय टी२० आणि कसोटी क्रिकेटमधून निवृत्ती घेतली असून, वनडे क्रिकेटमध्ये सक्रिय