मुंबई महापालिकेच्या आता ‘संपर्क स्मार्ट शाळा’

  39

१८ हजारांपेक्षा अधिक विद्यार्थ्यांना होणार लाभ


मुंबई : महाराष्ट्र राज्य आणि संपर्क फाउंडेशन यांच्या समन्वयाने विकसित झालेल्या ‘संपर्क स्मार्ट शाळा’ उपक्रमाचा शुभारंभ मुंबई महापालिकेच्या १३५ शाळांमध्ये करण्यात आला आहे. या उपक्रमामुळे महापालिकेच्या शाळांमधील १८ हजारांपेक्षा अधिक विद्यार्थ्यांना दृकश्राव्य माध्यमातून अर्थात ऑनलाइन शिक्षण मिळणार आहे. या उपक्रमामुळे शिक्षण विभागातील नवीन संकल्पनांच्या मदतीने प्रत्येक विद्यार्थी प्राथमिक शिक्षण पूर्ण करू शकणार आहे.


महापालिका आयुक्त तथा प्रशासक भूषण गगराणी, अतिरिक्त आयुक्त (पूर्व उपनगरे) डॉ. अमित सैनी, उप आयुक्त (शिक्षण) डॉ. प्राची जांभेकर, संपर्क फाऊंडेशनचे संस्थापक अध्यक्ष विनीत नायर, संपर्क फाऊंडेशनचे अध्यक्ष डॉ. के. राजेश्चर राव यांच्या प्रमुख उपस्थितीत महापालिका मुख्यालयात मंगळवारी १२ ऑगस्ट २०२५ रोजी या उपक्रमाचा शुभारंभ करण्यात आला. यावेळी संपर्क स्मार्ट शाळा उपक्रमाच्या माहितीपत्रकाचे, संपर्क दूरदर्शन संचाचे अनावरण करण्यात आले.


मुंबई महापालिकेच्या परळ, दादर, भायखळा, घाटकोपर, चेंबूर, भांडूप, कुर्ला, सांताक्रूझ, गोरेगांव आणि बोरिवली येथील मिळून एकूण १३५ शाळांमध्ये हा उपक्रम सुरू करण्यात आला आहे. शिक्षकांच्या क्षमतांचा विकास करणे, अध्यापन पद्धती सोपी करणे हे या उपक्रमाचे प्रमुख उद्दिष्ट्य आहे. या उपक्रमात प्रत्येक शाळेसाठी एलइडी टीव्ही संच, २७३ दूरदर्शन संच, शिक्षकांसाठी स्मार्ट शाळा अ‍ॅप्लिकेशन, पाठ योजना, पाठ्यपुस्तकातील धड्यांवर आधारित २७०० व्हिडिओ, मूल्यमापनासाठी वस्तुनिष्ठ प्रकारातील ३० हजार प्रश्न आदी शैक्षणिक बाबींचा समावेश आहे. यासाठी महापालिकेच्या २०० शिक्षकांना प्रशिक्षण देण्यात आले आहे.


यावेळी महापालिका आयुक्त तथा प्रशासक भूषण गगराणी म्हणाले, शिक्षणाची पुढची पायरी ठरणाऱ्या ‘संपर्क स्मार्ट शाळा’ उपक्रमात महापालिका सहभागी झाली आहे. शिक्षण क्षेत्रातील हा आमूलाग्र बदल आहे. विद्यार्थ्यांना याचा थेट फायदा होणार आहे. या उपक्रमाद्वारे विद्यार्थ्यांना डिजिटल साक्षर करण्यास मदत होणार आहे. महापालिका हा उपक्रम पुढे नेण्यास सक्षम आहे, असे गगराणी यांनी नमूद केले.


संपर्क स्मार्ट शाळा उपक्रमाचे संस्थापक अध्यक्ष विनीत नायर यांनी संपर्क स्मार्ट शाळा उपक्रमाचा विस्तार सांगितला. शैक्षणिक क्षेत्रात येत्या काळात या उपक्रमाद्वारे राबविण्यात येणाऱ्या उपक्रमांची माहिती त्यांनी दिली.

Comments
Add Comment

Maharashtra Cabinet : मंत्रिमंडळात १५ महत्त्वाचे निर्णय, मुंबई-ठाणे-मेट्रो प्रकल्पांना गती, सविस्तर वाचा

मुंबई : राज्य मंत्रिमंडळाची बैठक आज (दि. ३ सप्टेंबर) उपमुख्यमंत्री देवेंद्र फडणवीस यांच्या नेतृत्वाखाली पार पडली.

Arun Gawli free from Jail : मोठी बातमी : अखेर डॅडी तुरुंगातून बाहेर, १८ वर्षांनी अंडरवर्ल्ड डॉन अरुण गवळीची नागपूर तुरुंगातून सुटका!

नागपूर : अंडरवर्ल्ड डॉन अरुण गवळी यांची १८ वर्षांनंतर नागपूर मध्यवर्ती कारागृहातून सुटका करण्यात आली आहे.

मराठा आरक्षणाच्या जीआरने ओबीसी नेते नाराज, भुजबळांची मंत्रिमंडळ बैठकीला अनुपस्थिती तर हाके संतापले

मुंबई: मराठा समाजाच्या आरक्षणासाठी काढलेल्या जीआरनंतर मराठ्यांची मुंबई मोहीम फत्ते जरी झाली असली, तरी आता

लग्नासाठी धारावीला तरुणींची नापसंती

मुंबई: धारावीत राहणाऱ्या, लग्नासाठी इच्छुक असलेल्या तरूणांना लग्नासाठी मुली मिळत नसल्याची माहिती समोर आली आहे.

जरांगेंनी उपोषण सोडले, फडणवीस सरकारने ६ मागण्या केल्या मान्य; मराठ्यांचा विजय

मुंबई : मराठा आंदोलक मनोज जरांगे पाटील यांच्या आंदोलनाला अखेर यश आले. जरांगे यांनी मंगळवारी पाच दिवसांपासून सुरु

मेट्रो-४ मार्गिकेच्या कामाला गती, गर्डरचे काम पूर्ण

मुंबई : बहुप्रतीक्षित ठाणे मेट्रो प्रकल्पातील सहा स्थानकांसाठी आवश्यक असलेले गार्डर बसवण्याचे काम पूर्ण झाले.