प्रतिनिधी: काल एलआयसी (Life Corporation of India LIC) या देशातील सर्वात मोठ्या व जुन्या विमा कंपनीचा तिमाही निकाल जाहीर झाला होता. कंपनीच्या नफ्यात समाधानकारक वाढ झाल्यानंतर आज कंपनीच्या शेअर्समध्ये बाजार सुरू झाल्यावरच इं ट्राडेत ४.९१% म्हणजे जवळपास ५% वाढ झाली होती. सकाळी १०.५० वाजेपर्यंत कंपनीच्या शेअर्सने ३.०५% उसळी घेतली आहे. एलआयसीने पहिल्या तिमाहीत चांगली कामगिरी केल्याने बाजारातील लाईफ विमा, व तत्सम विमा उत्पादने कंपनीच्या शेअर्समध्ये गुंतवणूकदारांना आश्वासकता दिसल्याने ही वाढ झाली. कंपनीने काल जाहीर केलेल्या तिमाही निकालानुसार, कंपनीला पहिल्या तिमाहीत इयर ऑन इयर बेसिसवर (YoY) ५% नफा झाला होता. कंपनीच्या एकूण एकत्रित नफ्यात (Consolidated Profit) मध्ये ४.११% वाढ झाली. कंपनीच्या प्रिमियममधून मिळणाऱ्या मिळकतीत (Income from Premium) मध्ये इयर ऑन इयर बेसिसवर ५% वाढ झाली आहे. त्यामुळे ही वाढ १.१९ लाख कोटींवर गेली. कंपनीच्या माहितीनुसार, कंपनीने व्यक्तिगत प्रिमियम मिळकत ६ % वाढून ७१४७४ कोटीवर गेली आहे तर समुहाच्या प्रिमियम मिळकत (Group Income) मध्ये इयर ऑन इयर बेसिसवर २.४६% वाढ झाली आहे. जी ४७७२६ कोटींवर गेली असल्याचे एलआयसीने म्हटले आहे.
एलआयसीच्या व्यवस्थापना अंतर्गत मालमत्तेत (Asset Under Management AUM) मध्ये ६% वाढ झाली असून ती ५७.०५ लाख कोटीवर गेली आहे. कंपनीच्या व्हॅल्यु ऑफ न्यू बिझनेस (VNB) मध्ये इयर ऑन इयर बेसिसवर २१% वाढ झाली आहे जी १९४४ कोटींवर पोहोचली आहे. विशेषतः आर्युविमा क्षेत्रातील एलआयसीने आपले वर्चस्व कायम राखले आहे. एलआयसीचे आजही ६३.५१% मार्केट शेअर कायम राखत विमा क्षेत्रातील आपली मक्तेदारी एलआयसीने कायम ठेवली आहे.
या आर्थिक वर्षाच्या पहिल्या तिमाहीत, पहिल्या वर्षाच्या प्रीमियम उत्पन्नाच्या बाबतीत आमचा एकूण बाजार हिस्सा ६३.५१% होता आणि आम्ही वैयक्तिक आणि गट व्यवसायात आमचे नेतृत्व कायम ठेवले आहे. आमच्या धोरणाचे प्रमुख घटक, जसे की वैयक्तिक व्यवसायात नॉन पार शेअरमध्ये वाढ, व्हीएनबी मार्जिनमध्ये वाढ आणि बँका शेअरमध्ये वाढ, पूर्णपणे योग्य मार्गावर आहेत' असे एलआयसीचे सीईओ आणि व्यवस्थापकीय संचालक आर दोराईस्वामी म्हणाले आहेत.
दोराईस्वामी पुढे म्हणाले,' एपीई (Annualised Premium Equivalent APE) आधारावर, वैयक्तिक विभागातील नॉन पार उत्पादनांचा वाटा आर्थिक वर्ष २६ च्या पहिल्या तिमाहीत ३०.३४% पर्यंत वाढला आहे, जो गेल्या वर्षीच्या याच तिमाहीत २३.९४% होता. वार्षिक आधारावर व्हीएनबी मार्जिन १५० बीपीएसने १५.४% पर्यंत वाढला आहे, तर या तिमाहीत आमचा खर्च गुणोत्तर १४० बीपीएसने कमी होऊन १०.४७% झाला आहे.' ३० जून २०२५ पर्यंत, १.९ लाखांहून अधिक महिलांना विमा सखी म्हणून नियुक्त करण्यात आले आहे, ज्यांनी आर्थिक वर्ष २६ च्या पहिल्या तिमाहीत ३.२६ लाखांहून अधिक पॉलिसी विकल्या, असेही त्यांनी सांगितले आहे. काल ७ ऑगस्टला कंपनीचा शेअर ०.७% घसरुन ८८६.४० रूपये प्रति शेअर किंमतीवर बंद झाला होता.
