सात कप्पे घावण - पारंपरिक गोडीची सातपट गोडी

  23

सुग्रास सुगरण : गायत्री डोंगरे


नारळी पौर्णिमेचा सण म्हणजे समुद्रदेवतेस अर्पण, आणि गोड पदार्थांनी घरातील आनंद द्विगुणित करण्याचा दिवस. अशा वेळी आपल्या कोकणात बनणारा एक खास पदार्थ म्हणजे सात कप्पे घावन. नारळ, गूळ आणि वेलचीच्या संगमातून तयार होणारे हे घावन, सात थरांत घडी घालून बनवले जाते जणू गोडीच्या सात कुंडल्या! प्रत्येक थर गोडसर आठवणींसारखा जपून ठेवावा असा.


साहित्य : तांदळाचे पीठ : २ वाटी
गूळ : दीड वाटी
किसलेला ओला नारळ : २ वाटी
वेलची पूड : अर्धा टीस्पून
सुकामेवा भरड, पाणी : आवश्यकतेनुसार
तूप किंवा तेल : भाजण्यासाठी


कृती :


१. घावनसाठी पीठ तयार करणे: तांदळाचे पीठ पाणी घालून डोशाच्या पिठासारखे भिजवून ठेवा. हे पीठ एकसंध आणि थोडे सैलसर असावे.
२. गोड सारण (पुरण) तयार करणे :
एका कढईत गूळ, किसलेला नारळ, सुक्या मेव्याची भरड आणि वेलची पूड घालून मध्यम आचेवर गरम करा. सतत हलवत राहा, जेणेकरून गूळ सगळ्या नारळात मुरेल. मिश्रण कोरडे होईपर्यंत परतून घ्या. पुरण तयार आहे.
३. घावन तयार करणे :
गरम तव्यावर थोडे तेल/तूप घालून पसरवा.
त्यावर एक पातळ घावन पिठाचे थर पसरवा (डोशासारखे), झाकण ठेवून एक बाजू भाजा. भाजले की, त्यावर २ चमचे गोड सारण ठेवा आणि अर्धचंद्राकार घडी घाला.
४. सात कप्प्यांची प्रक्रिया :
अर्ध्या भागावर पुन्हा थोडे पीठ पसरवा, आणि त्यावर सारण ठेवा. हे नवीन थर, आधीच्या घावनावर पलटवा. पुन्हा रिकाम्या बाजूवर पीठ पसरवा, त्यावर सारण ठेवा. हेच सात वेळा करा. प्रत्येक वेळेस अर्ध्या भागावर पीठ व सारण घालून पलटवणे.
प्रत्येक थरावर थोडे तूप बाजूंनी सोडत राहा, जेणेकरून सगळे थर छान खरपूस होतील.


टीप : तवा नॉनस्टिक असेल तर उत्तम, आणि मध्यम आचेवर भाजल्यास कुरकुरीत घावन मिळेल.
सात वेळा ही प्रक्रिया पूर्ण केल्यावर “सात कप्पे घावन” तयार!
कसे वाढाल : गरम गरम घावन नारळाच्या चटणीसोबत किंवा तसंच खाल्लं तरी अप्रतिम लागते.

Comments
Add Comment

राखी परंपरेची आधुनिक रंगत

सौंदर्य तुझं : प्राची शिरकर श्रावणातील महत्त्वाचा आणि सगळ्यांचा आवडता सण रक्षाबंधन. रक्षाबंधन म्हणजे बंधनाचं

जुळी गर्भधारणा आणि त्यातील आव्हाने

स्त्री आरोग्य : डॉ. स्नेहल पाटील गर्भधारणा ही स्त्रीच्या आयुष्यातील एक विशेष टप्पा असतो. यामध्ये जुळी बाळ होणे

आयुर्वेद, निसर्गोपचार आणि नवसर्जनशीलतेचा एक दीपस्तंभ

वैशाली गायकवाड आरोग्य हा प्रत्येक व्यक्तीच्या जीवनाचा मूलभूत आधार आहे आणि हे आरोग्य नैसर्गिक पद्धतीने

अंतरंगयोग - धारणा

मी योगिनी : डॉ. वैशाली दाबके मागील तीन लेखांमध्ये आपण त्राटकाविषयी जाणून घेतलं. त्राटक ही एक शुद्धिक्रिया आहेच पण

Attar VS Perfume : अत्तर की परफ्युम? परफ्युमसह दरवळतो अत्तराचा सुगंध

अत्तराचे नाव घेताच सगळीकडे सुगंध दरवळायला लागतो. अत्तराचे एक वेगळे महत्त्व आहे. अत्तराचे अनेक प्रकार असून

नितळ त्वचा अन् संतुलित आहार

सौंदर्य तुझं : प्राची शिरकर प्रत्येक ऋतूनुसार आपल्याला त्वचेची काळजी घ्यावी लागते. पावसाळ्यात अनेक प्रकारच्या