Donald Trump: ट्रम्प यांचा आणखी एक टेरिफ बॉम्ब? २० ते २५% टेरिफ लागणार

  66

प्रतिनिधी: डोनाल्ड ट्रम्प यांनी आणखी एक टेरिफ बॉम्ब काल उशीरा टाकला आहे. अजून निश्चित नाही पण भारतावर २० ते २५% टेरिफ लागू शकतो' असे डोनाल्ड ट्रम्प वार्ताहरांशी बोलताना म्हणाले आहेत. 'अजून यावर निश्चित बोलणी झाली नाही मात्र अद्याप द्विपक्षीय बोलणी सुरू असल्याने १ ऑगस्टच्या पार्श्वभूमीवर यावर निर्णय अपेक्षित आहे ' असे पत्रकारांशी बोलताना ट्रम्प यांनी नमूद केले आहे. ज्यावेळी ट्रम्प यांना नव्या दिल्लीविषयी प्रश्न विचारला असता त्यावर ट्रम्प बोलत होते. 'भारत आमचा मित्र पण बहुतेक देशांपेक्षा भारताने अधिक टेरिफ लावले.' असा टोला त्यांनी हाणत भारताला लक्ष्य केले आहे.तसेच अमेरिकेचे व्यापार प्रतिनिधी जेमिसन ग्रीर यांनी सोमवारी सांगितले होते की, 'अमेरिकेला भारताशी चर्चा करण्यासाठी अधिक वेळ हवा आहे जेणेकरून अमेरिकन निर्यातीसाठी आपला बाजार अधिक खुला करण्याची भारताची तयारी तपासता येईल. रॉयटर्सने मंगळवारी पूर्वी वृत्त दिले होते की नवी दिल्ली २०% ते २५% दरम्यान जास्त शुल्क आकारण्याची तयारी करत आहे.'

संबंधित प्रतिकिया ट्रम्प यांनी पाच दिवसीय स्कॉटलंड दौऱ्यातून परतताना दिली. युएसला जगभरातील व्यापारी धोरणात सन्मानजनक वागणूक मिळाली पाहिजे असा पवित्रा त्यांनी यावेळी घेतला होता. दरम्यान टेरिफ शुल्कवाढ २ एप्रिल २०२५ रोजी घोषित करत ते ९ जुलै २०२५ पासून लागू होणार होते. तथापि आयात शुल्क लागू करण्याची अंतिम मुदत नंतर १ ऑगस्ट २०२५ पर्यंत वाढविण्यात आली. नुकत्याच करारात अमेरिकेने आतापर्यंत यूके, इंडोनेशिया, फिलीपिन्स, युरोपियन युनियन आणि जपानसोबत यशस्वी डील (Tariff Deal) केले होते.

प्रसारमाध्यमांना दिलेल्या सुत्रांच्या माहितीनुसार, 'तात्पुरत्या उपाययोजना म्हणून निवडक निर्यातींवर २०% ते २५% पर्यंत जास्त कर लावण्याची शक्यता लक्षात घेऊन नवी दिल्ली पुढील तयारी करत आहे. नवीन सवलती देण्याऐवजी, भारत ऑगस्टच्या मध्यात अमे रिकन शिष्टमंडळाच्या भेटीदरम्यान व्यापक व्यापार चर्चा पुन्हा सुरू करण्याची योजना आखत आहे.' यापूर्वी शिष्टमंडळाने ट्रम्प प्रशासनाची भेट घेत बोलणी केली होती. मात्र त्यावर अपेक्षित बोलणी न झाल्याने हाती निराशाच आली.

आता पुढील घडामोडींवर बो लतांना सुत्रांनी सांगितले की,' चर्चा चांगल्या प्रकारे प्रगती करत आहेत आणि ऑगस्टच्या मध्यापर्यंत एक शिष्टमंडळ दिल्लीत येण्याची अपेक्षा आहे.'. याखेरीज पहलगाम हल्ल्यानंतर भारत पाक युद्धात 'मी' पुढाकार घेतल्याने युद्धबंदी झाली असे ट्रम्प यांनी म्हणत स्वतः ची खुशामत यानिमित्ताने केली.
Comments
Add Comment

मराठा आरक्षणासाठी समितीचे नवीन अध्यक्ष!

मुंबई: भाजपच्या नेतृत्वाखालील 'महायुती' सरकारने जलसंपदा मंत्री राधाकृष्ण विखे पाटील यांची मराठा समाजाच्या

माजी बँक अध्यक्ष 'फरार' घोषित!

मुंबई: १२२ कोटी रुपयांच्या गैरव्यवहार घोटाळ्याप्रकरणी एस्प्लेनेड न्यायालयाने 'न्यू इंडिया को-ऑपरेटिव्ह

भाजपकडून गणेश भक्तांसाठी मोफत प्रवास!

मुंबई: गणेशोत्सवासाठी कोकणात जाणाऱ्या भाविकांसाठी मुंबई भाजपने ३५० मोफत बसेस आणि विशेष रेल्वे सेवांची

मध्यमवर्गीयच काय उच्च मध्यमवर्गीयांच्या सोने चांदी आवाक्याबाहेर ! 'या' कारणांमुळे सोन्याचांदीत त्सुनामी आली 'हे' आहेत आजचे भाव

मोहित सोमण: सोन्याच्या व चांदीच्या दरात शनिवारी त्सुनामी आली आहे. जागतिक पातळीवरील सोन्याच्या स्पॉट मागणीत वाढ

गणेशोत्सवासाठी मेट्रोची 'वेळेत' वाढ!

मुंबई: एमएमआरडीएने (MMRDA) जाहीर केले आहे की, २७ ऑगस्ट ते ६ सप्टेंबर २०२५ या ११ दिवसांसाठी मेट्रो मार्ग २ए आणि ७ वरील

मुंबईतील धक्कादायक घटना, एसी कोचच्या टॉयलेटमध्ये पाच वर्षांच्या मुलाचा मृतदेह

मुंबई : मुंबई - कुशीनगर एक्सप्रेसच्या एसी कोचच्या टॉयलेटमध्ये पाच वर्षांच्या मुलाचा मृतदेह आढळला. ही घटना