विधानपरिषद विरोधी पक्ष नेतेपदावरुन काँग्रेस -उबाठामध्ये रस्सीखेच

काँग्रेसकडून सतेज पाटील यांचे नाव आघाडीवर


मुंबई : विधान परिषदेचे विरोधी पक्षनेते अंबादास दानवे यांची सदस्यत्वाची मुदत पुढील महिन्यात संपणार असल्याने काँग्रेसने विरोधी पक्षनेतेपदावर दावा सांगितला आहे. तर दुसरीकडे उबाठा सेनेने देखील विधान परिषद विरोधी पक्षनेते पदासाठी कंबर कसली आहे. त्यामुळे महाआघाडीमधील या दोन्ही घटक पक्षांमध्ये विधानपरिषद विरोधी पक्षनेते पदावरून रस्सीखेच सुरू आहे.


विधान परिषदेचे विरोधी पक्ष नेते अंबादास दानवे यांच्या निवृत्तीनंतर रिक्त होणाऱ्या विरोधी पक्ष नेतेपदासाठी काँग्रेसकडून सतेज उर्फ बंटी पाटील यांचे नाव आघाडीवर आहे. सध्या सतेज पाटील हे विधान परिषदेत काँग्रेसचे गटनेते म्हणून कार्यरत आहेत. दानवे यांची विधान परिषद सदस्यत्वाची मुदत पुढील महिन्यात म्हणजे २९ ऑगस्ट रोजी संपत आहे. त्यानुसार त्यांना पावसाळी अधिवेशनात निरोप देण्यात आला. तरीही दानवे हे २९ ऑगस्टपर्यंत विरोधी पक्षनेतेपदावर असणार आहेत. औरंगाबाद- जालना स्थानिक प्राधिकारी मतदारसंघातून निवडून आलेल्या अंबादास दानवे यांच्या निवृत्तीने उबाठा सेनेचे विधान परिषदेतील संख्याबळ कमी झाले आहे. त्यामुळे काँग्रेसने जास्त संख्याबळाच्या आधारे विरोधी पक्षनेतेपदावर दावा केला आहे.



विधान परिषदेत काँग्रेसचे सात तर राष्ट्रवादी काँग्रेस शरद पवार गटाचे तीन सदस्य आहेत. याशिवाय काही अपक्ष आमदारांचा पाठिंबा काँग्रेसला आहे. या आधारे काँग्रेसने विरोधी पक्षनेतेपद मिळवण्यासाठी प्रयत्न सुरु केले आहेत. त्यासाठी माजी राज्यमंत्री सतेज पाटील यांचे नाव आघाडीवर आहे.


दिल्लीतून पाटील यांच्या नावाला हिरवा कंदील मिळाल्याचे सांगण्यात येते. विधानसभेत सध्या विरोधी पक्षनेता नाही. पंधराव्या विधानसभा निवडणुकीत विरोधी पक्षाचे एकूण सदस्य संख्येच्या १० टक्के उमेदवार निवडून आलेले नाहीत. त्यामुळे विधानसभा अध्यक्ष राहुल नार्वेकर यांनी विरोधी पक्षनेतेपदाचा निर्णय प्रलंबित ठेवला आहे.


उबाठाकडून विधानसभा विरोधी पक्ष नेतेपदासाठी भास्कर जाधव यांच्या नियुक्तीचे पत्र विधानसभा अध्यक्ष राहुल नार्वेकर यांना दिले आहे. विधानसभेत भास्कर जाधव यांच्या नावाला काँग्रेसने पाठिंबा दिला आहे. त्यामुळे विधान परिषदेत विरोधी पक्षनेतेपदासाठी ठाकरे गटाचा पाठिंबा मिळेल, असा काँग्रेसला विश्वास आहे. तथापि ठाकरे गट देखील विधान परिषद विरोधी पक्षनेता पदासाठी आग्रही आहे. त्यामुळे विधान परिषदेच्या विरोधी पक्षनेतेपदी नेमकी कोणाची वर्णी लागते, याकडे राजकीय वर्तुळाचे लक्ष लागले आहे.

Comments
Add Comment

Maharashtra Cabinet Meeting : राज्याच्या विकासाला गती; FDI साठी विशेष अधिकारी पद, जात प्रमाणपत्र, रेल्वे निधी... कॅबिनेटचे ७ मोठे धमाके!

मुंबई : मुख्यमंत्री देवेंद्र फडणवीस यांच्या अध्यक्षतेखाली आज (२८ ऑक्टोबर) पार पडलेल्या राज्य मंत्रिमंडळाच्या

प्रसिद्ध गायिका अनुराधा पौडवाल यांनी केईएम रुग्णालयाला दिले व्हेंटिलेटर दान!

मुंबई: केईएम रुग्णालयाच्या शतक महोत्सवी वर्षानिमित्त विख्यात गायिका पद्मश्री डॉ. अनुराधा पौडवाल यांनी

Mehli Mistry Exit : टाटा समूहात मोठा भूंकप! नोएल टाटांनी करून दाखवलं; रतन टाटांच्या 'या' जवळच्या व्यक्तीची ट्रस्टमधून हकालपट्टी

मुंबई : उद्योगपती रतन टाटा (Ratan Tata) यांच्या निधनानंतर टाटा समूहाच्या महत्त्वाच्या धर्मादाय संस्थांमध्ये (Charitable Trusts)

बोरिवलीत २१ वर्षीय तरुणी ‘अ‍ॅग्रीमेंट रिलेशनशिप’ मध्ये; कुटुंबाची विश्व हिंदू परिषदेकडे धाव

मुंबई : मुंबईतील बोरिवली परिसरात एका २१ वर्षीय तरुणीने लग्न न करता एका मुस्लिम तरुणासोबत ‘लिव्ह-इन रिलेशनशिप

राज्यामध्ये दरदिवशी ६१ बालकांवर अत्याचार

मुंबई : राज्यात बालकांवर होत असलेल्या अत्याचाराच्या गुन्ह्यांचा आलेख चिंताजनक पातळीवर पोहोचला आहे. राष्ट्रीय

दहावी परीक्षेच्या अर्ज भरण्याची मुदतवाढ; जाणून घ्या, आता किती दिवस मिळणार अतिरिक्त संधी

10th SSC Board Exam 2026 : महाराष्ट्र राज्य माध्यमिक व उच्च माध्यमिक शिक्षण मंडळाकडून फेब्रुवारी-मार्च २०२६ मध्ये होणाऱ्या