Bangladesh Plane Crash: बांगलादेश हवाई दलाच्या विमान अपघातातील मृतांचा आकडा १९ वर, १६४ जखमी

बांगलादेश सरकारकडून एक दिवसाचा राज्य शोक जाहीर 


ढाका: बांगलादेश हवाई लाचे एफ-७बीजीआय प्रशिक्षण विमान अपघाताची भीषणता आता समोर आलेली आहे. या अपघातात १९ जणांचा मृत्यू झाला आहे तर १६४ हून अधिक नागरिक जखमी झाले आहेत. यात ६० हून अधिक जखमींना बर्न इन्स्टिट्यूटमध्ये पाठवण्यात आले आहे. तर किरकोळ जखमी झालेल्या अनेकांवर उत्तरा मेडिकल कॉलेजमध्ये उपचार सुरू आहेत. या दुर्दैवी घटनेनंतर बांगलादेश सरकारने देशात एक दिवसाचा राज्य शोक जाहीर केला आहे.


ढाका येथील उत्तरा भागातील माइलस्टोन स्कूल अँड कॉलेजच्या कॅम्पसमध्ये दुपारी हे विमान कोसळण्याची घटना घडली आहे. विमान दुर्घटनेवेळी शाळा आणि महाविद्यालय वर्ग सुरु होते, त्यामुळे या परिसरात मोठ्या संख्येने मुले उपस्थित होती. माइलस्टोन कॉलेजमधील एका शिक्षकाने सांगितले की, विमान तीन मजली शाळेच्या इमारतीच्या समोर आदळले तेव्हा ते कॉलेज इमारतीजवळ उभे होते आणि त्यात अनेक विद्यार्थी अडकले होते. कॉलेजचे शिक्षक आणि कर्मचारी विद्यार्थ्यांना वाचवण्यासाठी धावले. त्यानंतर काही वेळातच लष्कराचे सदस्य पोहोचले. अग्निशमन दलाच्या जवानांनी बचाव कार्यात सहभाग घेतला.



बांगलादेश संरक्षण मंत्रालयाचे निवेदन जाहीर


बांगलादेशच्या संरक्षण मंत्रालयाने एका निवेदनात म्हटले आहे की, "दुपारी १:०६ वाजता एक एफ-७ बीजीआय प्रशिक्षण विमानाने उड्डाण केले आणि काही वेळातच ते कॉलेज कॅम्पसमध्ये कोसळले." अपघातानंतर विमानाला आग लागली. दूरवरून धुराचा लोट दिसत होता. आग विझवण्यासाठी अग्निशमन सेवेच्या आठ गाड्या घटनास्थळी पोहोचल्या.



चिनी बनावटीचे होते विमान


एफ-७बीजीआय हे बांगलादेश हवाई दलाचे बहुद्देशीय लढाऊ विमान आहे. हे चीनच्या चेंगडू जे-७ लढाऊ विमानाची प्रगत आवृत्ती आहे. सोव्हिएत युनियनच्या मिग-२१ च्या धर्तीवर बनवले गेले होते. बीएएफने हे लढाऊ विमान २०११ ते २०१३ दरम्यान खरेदी केले होते. ते थंडरकॅट स्क्वॉड्रनमध्ये समाविष्ट करण्यात आले होते. एफ-७ बीजीआय विमान एकाच वेळी ६०० ते ६५० किमी पर्यंतचा लढाऊ पल्ला पार करू शकते, तर फेरी पल्ला २,२३० किमी पर्यंत आहे. ते जास्तीत जास्त १७,८०० मीटर उंचीपर्यंत उडू शकते. या लढाऊ विमानात २ तोफांसह ७ शस्त्रे बसवण्याचे बिंदू आहेत. त्यावर ३ हजार किलोग्रॅम वजनाचे क्षेपणास्त्रे आणि बॉम्ब बसवता येतात. ते पीएल-५ आणि पीएल-९ क्षेपणास्त्रे, लेसर गाइडेड बॉम्ब आणि सी-७०४ जहाजविरोधी क्षेपणास्त्रांनी सुसज्ज आहे.

Comments
Add Comment

भारतीय युवकांना आंतरराष्ट्रीय स्तरावर व्यावसायिक अनुभवाची संधी! युनेस्कोचा इंटर्नशिप प्रोग्राम, आताच करा अर्ज

भारतीय युवकांना आंतरराष्ट्रीय स्तरावर काम करण्याची सुवर्ण संधी उपलब्ध करून देण्यात आली आहे. युनेस्कोने

भारतानंतर आता अफगाणिस्तान पाकिस्तानचे पाणी अडवणार!

काबूल : भारतानंतर आता तालिबानशासित अफगाणिस्तान पाकिस्तानला होणारा पाणीपुरवठा मर्यादित करण्याची आणि नदीवर धरणे

रशियातील महत्त्वाच्या दोन तेल कंपन्यांवर ट्रम्पचे निर्बंध, रशियावर येणार आर्थिक दबाव! भारतालाही बसणार का फटका?

अमेरिका: अमेरिकेचे राष्ट्राध्यक्ष डोनाल्ड ट्रम्प यांनी रशियावर आर्थिक दबाव आणण्यासाठी मोठा निर्णय घेतला आहे.

सौदी अरेबियामध्ये मोठा निर्णय; ‘कफला’ पद्धतीचा शेवट, भारतीय कामगारांना मोठा दिलासा

सौदी अरेबिया : सौदी अरेबियामध्ये गेल्या ५० वर्षांपासून अस्तित्वात असलेली कफला पद्धत अखेर रद्द करण्यात आली आहे.

अफगाणिस्तानने पाकिस्तानमध्ये अचूक फेकला 'टोमॅटो बॉम्ब'

पाकिस्तानमध्ये टोमॅटाचा भाव गगनाला भिडला, एक किलोसाठी मोजावे लागत आहेत ७०० रुपये! कराची : भारतात झालेल्या

ट्रम्प यांचा ८८ लाख रुपयांचा एच-१बी 'व्हिसा बॉम्ब' आजपासून लागू, जाणून घ्या कोणाला सूट मिळणार

वॉशिंग्टन डीसी : अमेरिकेचे राष्ट्राध्यक्ष डोनाल्ड ट्रम्प यांनी जाहीर केलेल्या नव्या निर्णयानुसार, H-1B