कर्जतच्या वाहतूक कोंडीच्या समस्येवर आ.थोरवे आक्रमक

  60

कर्जत : पर्यटनाचे महत्त्वाचे केंद्र बनलेल्या कर्जत शहरात वाहतूक कोंडीची समस्या दिवसेंदिवस तीव्र होत चालली आहे. याच पार्श्वभूमीवर कर्जतच्या प्रशासकीय भवनात वाहतूक समस्येवर उपाययोजना करण्यासाठी विशेष बैठकीचे आयोजन करण्यात आले. या बैठकीत आमदार महेंद्र थोरवे आक्रमक होत त्यांनी अधिकाऱ्यांना फटकारत नियम तोडणाऱ्यांवर कारवाईचे निर्देश दिले.


कर्जत परिसरात रस्त्यांवरील खड्डे, अरुंद रस्ते, बेशिस्त वाहनचालक व अपुरी पोलीस यंत्रणा यामुळे ट्रॅफिक कोंडीने गंभीर रूप धारण केले आहे. विद्यार्थी, स्थानिक नागरिक आणि पर्यटकांना याचा मोठा त्रास सहन करावा लागत आहे. या पार्श्वभूमीवर आमदार महेंद्र थोरवे यांच्या अध्यक्षतेखाली आढावा बैठकीचे आयोजन करण्यात आले होते. या प्रसंगी माजी नगराध्यक्ष राजेश लाड, तहसीलदार डॉ. धनंजय जाधव, उपविभागीय पोलीस अधिकारी विक्रम कदम, पोलीस निरीक्षक संदीप भोसले, शिवाजी ढवळे, गट विकास अधिकारी सुमित पाटील, सार्वजनिक बांधकाम विभाग उप अभियंता संजीव वानखेडे, रायगड वाहतूक शाखेचे अभिजीत भुजबळ, मुख्याधिकारी तानाजी चव्हाण, परिवहन अधिकारी निलेश धोटे महाराष्ट्र रस्ते विकास महामंडळाचे अधिकारी, एमएमआरडीएचे अधिकारी आदी उपस्थित होते.


बैठकीत बोलताना आमदार महेंद्र थोरवे यांनी स्पष्टपणे सांगितले की, नियम मोडणाऱ्याला गय नको. रस्त्यांची अडवणूक करणाऱ्यांवर पोलीस प्रशासनासोबत मिळून कारवाई करा अन्यथा मी स्वतः त्या ठिकाणी येऊन काम करून घेईन.' असे सांगून त्यांनी अधिकाऱ्यांना वेळेत काम पूर्ण करण्याचे आणि ट्रॅफिक समस्येवर ठोस उपाययोजना राबवण्याचे निर्देश दिले.



बैठकीतील महत्त्वाचे निर्णय आणि सूचना 



  • कर्जत चारफाटा येथे तात्काळ सिग्नल यंत्रणा बसवणे.

  • शनिवार व रविवार मोठ्या वाहनांची वाहतूक श्रीरामपूल मार्गाऐवजी नेरळ बायपासमार्गे वळवणे.

  • सेवालाल नगर ते गुलमोहर विश्राम गृहदरम्यान बॅरिकेड्सची व्यवस्था करणे.

  • श्रीरामपूल चौक व छत्रपती संभाजी महाराज स्मारकाजवळ कायमस्वरूपी पोलीस बंदोबस्त ठेवणे.

  • नागरिकांमध्ये ट्रॅफिक जनजागृतीसाठी फलक लावणे.

  • दहिवली येथील छत्रपती संभाजी महाराज स्मारकाजवळ सर्कल मारणे अनिवार्य करणे.

  • नियम तोडणाऱ्यांवर तत्काळ दंडात्मक कारवाई करावी.

  • कर्जत-खोपोली मार्गावरील खड्ड्यांचे त्वरित दुरुस्ती करावी.

Comments
Add Comment

Share Market Holiday: पुढील आठवड्यात केवळ चार दिवस चालणार बाजार! जाणून घ्या कोणत्या दिवशी सुट्टी असेल?

Share Market Holiday: पुढील आठवड्यात शेअर बाजार फक्त चार दिवसांसाठी खुला राहणार आहे. तर उर्वरित तीन दिवस हे सुट्टीचे असणार

गंभीर गुन्ह्याप्रकरणी तुरुंगात गेल्यास पीएम सीएमना हटवणाऱ्या विधेयकाप्रकरणी विरोधकांचा रडीचा डाव

नवी दिल्ली : गंभीर गुन्ह्याप्रकरणी किमान ३० दिवस तुरुंगात घालवले किंवा तशी कोठडी देण्यात आली तर संबंधित मंत्री

Mumbai Goa Highway: गणेश भक्तांच्या मार्गात वाहतूक कोंडीचे विघ्न; अनेक किलोमीटर वाहनांच्या लांबच लांब रांगा

मुंबई: मुंबई-गोवा महामार्गावर शनिवारी आणि रविवारी वाहनांच्या लांबच लांब रांगा पाहायला मिळत आहे. यामुळे

Pujara Retirement : टीम इंडियामधून ९ महिन्यांत ४ दिग्गजांनी घेतली निवृत्ती

मुंबई: भारतीय क्रिकेट संघात गेल्या काही महिन्यांपासून निवृत्तीची त्सुनामी आल्याचे चित्र आहे. गेल्या ९

बाप्पाच्या दर्शनासाठी राज ठाकरेंच्या घरी जाणार उद्धव ठाकरे

मुंबई : गणपती बाप्पाच्या दर्शनासाठी शिउबाठा प्रमुख उद्धव ठाकरे हे मनसे प्रमुख राज ठाकरेंच्या घरी जाणार आहेत.

लालबागच्या राजाचं पहिलं दर्शन, सुवर्ण गजानन महालात शाही थाटात आगमन !

मुंबई: मुंबईत गणेशोत्सवाची सुरुवात होते ती लालबागच्या राजाच्या आगमनाने. यंदाही गणेशोत्सवापूर्वी लालबागच्या