अत्रे चौकापासून कफ परेडपर्यंतच्या टप्प्यातील कामे वेगात
मुंबई (प्रतिनिधी): मेट्रो विस्तार आणि स्मार्ट वाहतूक यंत्रणेला गती देण्यासाठी १९ महत्त्वाच्या कंत्राटांना २४ जूनला मंजुरी दिली असतानाच आता - दुसरीकडे मुंबई मेट्रो रेल कॉर्पोरशन - लिमिटेडकडून भुयारी मेट्रो-३ मार्गिकेच्या कामांना देखील गती मिळत आहे.
ही मेट्रो आरे-जेव्हीएलआरपासून अत्रे चौकापर्यंत धावत असून, अत्रे -चौकापासून कफ परेडपर्यंतचा टप्पा - ऑगस्टपर्यंत सुरू होणे अपेक्षित आहे. या मार्गात मंत्रालयासह महत्त्वाची कार्यालये असून, लोकलसह उर्वरित प्रवासी साधनांनी - धावपळ करत ही ठिकाणे गाठणाऱ्या प्रवाशांना भुयारी मेट्रो वरदान ठरणार आहे. विमानतळासोबत पाटकोपर - अंधेरी-वर्सोवा या मेट्रो १ ला देखील मेट्रो ३ जोडली आहे. शिवाय मेट्रो २ व देखील बीकेसीमध्ये मेट्रो ३ ने जोडण्यात येणार असून, मेट्रो-६ ला देखील आरे येथे मेट्रो ३ ची जोडणी दिली जाणार आहे.
मुंबई महानगर मेट्रो लाईन-३ चे उद्दिष्ट म्हणजे मुंबईच्या अपुरी उपनगरी रेल्वे प्रणालीला पूरक, असा एक मोठ्या प्रमाणावर जलद वाहतूक प्रणाली पुरवणे, ज्यामुळे मेट्रो लोकांच्या दाराशी आणली जात आहे. एमएमएल-३ च्या संपूर्ण कार्यान्वयनानंतर, शहरातील वाहतुकीच्या प्रमाणात लक्षणीय घट होईल आणि स्थानिक परिवहन व्यवस्थेला चालना मिळेल, असा दावा मुंबई मेट्रो रेल कॉरिशन लिमिटेडने केला आहे.
२४ जूनला मेट्रो प्रकल्पांसाठी एमएमआरडीएकडून १२ हजार कोटींपेक्षा अधिक रकमेच्या कामांना मंजुरी मिळाली आहे. दरम्यान, मुंबई शहर आणि उपनगरांतील मेट्रो प्रवाशांना सेवा देणार असतानाच ठाणे आणि नवी मुंबईमधील मेट्रो सेवाही मुंबईशी जोडण्याचे नियोजन झाले आहे. परिणामी २०३० पर्यंत मेट्रो महामुंबई सहजरित्या जोडली जाईल.
एमएमआरडीएच्या किलोमीटर लांबीच्या मेट्रो नेटवर्कचा एक महत्त्वाचा घटक असलेला मेट्रो मार्ग ९ हा दहिसर (पूर्व) ते मीरा-भाईंदरदरम्यान जोडणारा असून, सध्या या मार्गाचे काम वेगाने प्रगतिपथावर आहे. हा डेपो मेट्रो ४, ४ अ, १०, ११ या मार्गिकांसाठी केंद्रीय संचालन व देखभाल केंद्र असेल. सीएसएमटी ते मीरा रोडदरम्यान ५५.९९ किमीच्या मेट्रो मार्गाचे संचालन येथून होईल.