मुंबई : आपल्या देशात अनेक प्रकारचा तांदुळ पिकवतात . भारतीय आहारात भाताचे महत्त्व अनन्यसाधारण आहे. मात्र, आधुनिक काळात केवळ पांढऱ्या भातावर अवलंबून राहण्याऐवजी पोषणमूल्यांनी समृद्ध इतर प्रकारांचा विचार करणे आवश्यक आहे. आज आपण अशाच आरोग्यदायी व पारंपरिक भातप्रकारांची माहिती घेणार आहोत, जे तुमच्या आहाराला अधिक समृद्ध करू शकतात. हे भातप्रकार आपल्या दैनंदिन आहारात समाविष्ट केल्यास पचन सुधारते, वजन नियंत्रणात राहते आणि संपूर्ण पोषण मिळते.
पांढऱ्या तांदळाचा ग्लायसेमिक इंडेक्स जास्त असतो . तो जवळपास ७० ते ९० च्या आसपास असतो. यात पोषक तत्वेही कमी असतात आणि कार्बोहायड्रेट्स जास्त असतात. त्यामुळे पांढरा तांदुळ खाल्ल्याने वजन झपाट्याने वाढते. लठ्ठपणा वाढल्याने मधुमेहाचा धोका वाढतो. जे आधीपासून मधुमेहाचे रुग्ण आहेत त्यांनी तर पांढरा तांदुळ खाऊच नये असा सल्ला दिला जातो.
जाणून घ्या कोणते आहेत हे तांदळाचे प्रकार :
ब्राउन राईस
या तांदळात फायबरचे प्रमाण जास्त आहे . वजन कमी करणाऱ्यांसाठी आणि मधुमेहींसाठी विशेष फायदेशीर आहे .
सालाम राईस
दक्षिण भारतातील लांबट दाण्याचा भात. सौम्य चव आणि हलकं पचन यामुळे दररोजच्या आहारासाठी योग्य .
ब्लॅक राईस
काळसर रंगाचा हा भात अँटीऑक्सिडंट्सने भरलेला असतो. वजन कमी करणे, मधुमेह नियंत्रित करणे असे गुणधर्म यात आहेत .
रेड राईस
फायबरयुक्त, खनिजांमध्ये भरपूर आणि कोलेस्ट्रॉल नियंत्रणासाठी उपयुक्त. केरळ, कर्नाटकात याचा वापर मोठ्या प्रमाणावर केला जातो.
नवारा राईस
आयुर्वेदात याला औषधी मानले जाते. हा तांदूळ खाल्ल्याने पचन सुधारते , रोगप्रतिकारक शक्ती वाढते , विशेषतः रुग्ण व वृद्ध व्यक्तींना उपयुक्त.
काळा जीरा राईस
सुगंधी, लांबसर दाणे असलेला हा भात सौम्य चवीचा असतो. बासमतीसारखा दिसतो पण पचनास अधिक हलका आहे .