मोहित सोमण: आज इक्विटी बेंचमार्क निर्देशांकात सकाळच्या सत्रात वाढ होण्याची शक्यता अधिक आहे. बाजाराची आर्थिक परिस्थिती पाहता आज उसळी घेण्याची शक्यता असेल. सकाळी सत्र होताना बाजारात सेन्सेक्स निर्देशांकात ८४.६० अंकाने घसरण तर निफ्टी ५० निर्देशांकात ३५.७५ अंकाने घसरण झाली आहे. मुख्यतः आंतरराष्ट्रीय बाजारातील दबाव स्तर थंडावला असला तरी अजून मंदीचे सावट पूर्णपणे गेलेले नाही. दुसरीकडे आर्थिक पातळीवर भाताच्या अर्थव्यवस्थेचे फंडामेंटल विशेषतः फायनांशियल सर्विसेस समभाग चांगल्या स्थितीत असल्याने बाजारात उसळी येऊ शकते. मुख्यतः अमेरिकन बाजारातील रोजगार दर डेटा लवकरच प्रकाशित होणार आहे. कामगार दिनाच्या निमित्ताने डेटा प्रकाशित करण्यात येईल. दुसरीकडे मध्यपूर्वेकडील युद्धविरामानंतर ओपेक संस्था कच्च्या तेलाच्या किंमतीत वाढ करणार असल्याची शक्यता अधिक आहे. त्यामुळे या पार्श्वभूमीवर आंतरराष्ट्रीय बाजारातील भावना संमिश्र आहेत मात्र भारतातील श्रेत्रीय विशेष निर्देशांकात तेजी असल्याने तसेच युएस मधील तंत्रज्ञान समभाग (Stocks) मध्ये तेजी असल्याने भारतातील गुंतवणूकीसाठी वातावरण आश्वासक वाटत आहे.
आज सकाळी गिफ्ट निफ्टी सकाळी ०.११% वधारल्याने बाजारात परदेशी संस्थात्मक गुंतवणूकदार प्रतिसाद देतील यावर अंतिम शिक्कामोर्तब आज संध्याकाळपर्यंत स्पष्ट होईल. याशिवाय आणखी युद्ध टळल्यानंतर एफएफएमजी उत्पादन सुरळीत झाले आहे. याचाही फायदा सप्लाय चेनला होत आहे. अशा परिस्थितीत आज बाजारात सकारात्मक परिस्थिती कायम आहे. कालपर्यंत अमेरिकन बाजारातील डाऊ जोन्स (Dow Jones ०.५९%), एस अँड पी ५०० ( S&P 500 ०.५२%), नासडाक (NASDAQ ०.५२%) वाढ झाली होती. तर आशियाई बाजारातील निकेयी २२५ (Nikkei 225 १.४४%), व शांघाई कंपोझिट (Shanghai Composite ०.२०%) वाढ झाली असून हेगंसेंग (Hengseng ०.५३%) बाजारात घसरण झाली होती.
सकाळी सत्र उघडताच सेन्सेक्स मिडकॅप व स्मॉलकॅपमध्ये मात्र ०.२१%, ०.६१% वाढ झाली आहे. निफ्टी मिडकॅप व स्मॉलकॅपमध्ये अनुक्रमे ०.२१,०.६४% वाढ झाली आहे. सकाळी बाजार उघडतानाच सेन्सेक्स बँक निर्देशांक (Sensex Bank Index) यामध्ये ६०.९१ अंकांने घसरण झाली आहे. बँक निफ्टीत (Bank Nifty Index) मध्ये ५०.०० अंकांची घसरण झाली.
निफ्टी क्षेत्रीय निर्देशांकात सकाळी गुंतवणूकदार संमिश्र कौल देत आहेत.सकाळी रिअल्टी (०.४१%), फायनांशियल सर्विसेस (०.१८%), खाजगी बँक (०.३१%) समभागात सर्वाधिक घसरण झाली असून सर्वाधिक वाढ पीएसयु बँक (१.३५%), तेल व गॅस (०.२९%), मिडिया (०.४९%), तेल व गॅस (०.२९%) समभागात झाली आहे.
सकाळच्या सत्रात अलेमबिंक फार्मा (८.५९%), आवास फायनांशियर (३.४४%), जेएम फायनांशियल (३.१७%), हिमाद्री स्पेशल (३.१५%),अरबिंदो फार्मा (३.०७%), हिताची एनर्जी (२.८५%), बँक ऑफ महाराष्ट्र (२.५२%), झेन टेक्नॉलॉजी (२.५१%),आयडीबीआय बँक (२.२४%),सिमेन्स (२.२४%), पंजाब नॅशनल बँक (१.७०%), बँक ऑफ बडोदा (१.६७%), कॅनरा बँक (१.६१%), इंटरग्लोब एव्हिएशन (१.४६%), आयआरएफसी (१.२६%), अव्हेन्यू सुपरमार्ट (१.०३%),एलआ यसी (०.६९%), ओएनजीसी (०.८६%), सिप्ला (०.३७%), टाटा मोटर्स (०.२९%) या समभागात वाढ झाली आहे.
तर सर्वाधिक घसरण जेबी केमिकल (६.०३%), भारती हेक्साकॉम (३.५२%), ज्योती सीएनसी (३.०२%), कोरोमंडलम इंटरनॅशनल (२.०५%), हिरो मोटोकॉर्प (१.९१%), एसबीआय कार्ड (१.८९%), महानगर गॅस (१.६५%), टोरंट पॉवर (१.५८%), अदानी गॅस (१.०७%), टीव्हीएस मोटर्स (१.०३%), टाटा कंज्युमर (१.०३%), सुझलोन एनर्जी (०.७३%), लोढा डेव्हलपर (१.०१%), एनटीपीसी (०.९५%), कोटक महिंद्रा (०.७३%), भारती एअरटेल (०.६०%),अदानी एंटरप्राईजेस (०.५७%), युनायटेड स्पिरीट (०.५१%), टाटा पॉवर (०.५७%), वरूण बेवरेजेस (०.४१%), जेएसबब्लू स्टील (०.४१%) या समभागात झाली.
आजच्या बाजारातील परिस्थितीवर भाष्य करताना जिओजित इनव्हेसमेंट लिमिटेडचे मुख्य गुंतवणूक रणनीतीकार डॉ वी के विजयाकुमार म्हणाले,'एस अँड पी ५०० आणि नॅस्डॅकने नवीन विक्रमी उच्चांक प्रस्थापित केले आहेत आणि बहुतेक इतर बाजारपेठा तेजीच्या स्थितीत आहेत, त्यामुळे बाजाराची रचना सकारात्मक दिसते. पश्चिम आशियातील भूराजकीय तणावात घट, ब्रेंट क्रूडची ६७ डॉलर्सपर्यंतची तीव्र घसरण आणि अमेरिका आणि चीन आणि अमेरिका आणि काही प्रमुख व्यापार भागीदारांमधील व्यापार करारांच्या शक्यतांसह व्यापार आघाडीवर सकारात्मक घडामोडींचे वृत्त शेअर बाजारांसाठी चांगले संकेत देत आहे.अलीकडच्या काळात भारतातील तेजीत एचडीएफसी बँक, आयसीआयसीआय बँक, आर आयएल आणि एल अँड टी सारख्या लार्ज कॅप कंपन्यांनी महत्त्वपूर्ण योगदान दिले आहे, ज्यात संस्थांनी गर्दी केली आहे. डॉलर निर्देशांकातील कमकुवतपणा एफआयआयच्या प्रवाहाला पाठिंबा देत आहे आणि किरकोळ आशावाद देशांतर्गत निधीमध्ये प्रवाहाला पाठिंबा देत आहे.या तेजीच्या बाजारात गुंतवणूक करणे अर्थपूर्ण आहे परंतु उच्च मूल्यांकनावर नवीन गुंतवणूक करणे धोकादायक ठरेल.'
आजच्या बाजारातील परिस्थिती पाहता सकारात्मकता कायम दिसत असली तरी गुंतवणूक करताना खबरदारी घेणे आवश्यक असल्याचे तज्ञांनी म्हटले आहे.