मुंबई बॉम्बस्फोटांच्या गुन्हेगाराचा ब्रेन हॅमरेजमुळे मृत्यू

नवी दिल्ली : भारतात दहशत पसरवण्याच्या कटात सहभागी असलेला ISIS चा भारतातील प्रमुख साकिब अब्दुल हमीद नाचन याचा मेंदूत रक्तस्त्राव अर्थात ब्रेन हॅमरेज झाल्यामुळे मृत्यू झाला. नाचन जन्मठेपेची शिक्षा भोगत होता आणि दिल्लीच्या तिहार तुरुंगात होता. तब्येत बिघडल्यामुळे त्याला दिल्लीच्या दीनदयाल उपाध्याय रुग्णालयात नेण्यात आले. तिथल्या डॉक्टरांच्या सल्ल्यानुसार त्याला सफदरजंग रुग्णालयात नेण्यात आले होते. तिथेच नाचनने अखेरचा श्वास घेतला. डॉक्टरांनी तपासणी करुन त्याचा मृत्यू झाल्याचे सांगितले.

साकिब नाचनचा शनिवार २८ जून २०२५ रोजी दुपारी बारा वाजून दहा मिनिटांनी मृत्यू झाला. तो २००२-०३ च्या मुंबई बॉम्बस्फोट प्रकरणात दोषी ठरल्यामुळे जन्मठेपेची शिक्षा भोगत होता. सिमी आणि आयसिस या भारतात बंदी घातलेल्या संघटनांसाठी तो काम करत होता. दहशतवादी कारवायांमध्ये त्याचा हात होता.

डिसेंबर २०२३ मध्ये, एनआयएने अर्थात राष्ट्रीय तपास संस्थेने त्याला महाराष्ट्रातील ठाणे जिल्ह्यातील पडघा गावातून इतर १५ जणांसह अटक केली. आयएसआयएसच्या निर्देशानुसार तो बॉम्ब तयार करत होता. भारतात दहशतवादी हल्ल्यांसाठी कट रचणे, हल्लेखोरांना आवश्यक ती मदत पुरवणे ही कामं तो करत होता.

साकिब नाचन तरुणांना 'बयात' म्हणजेच आयसिसच्या खलिफाच्या निष्ठेची शपथ घेण्यास भाग पाडून संघटनेत भरती करत होता. पडघाला मुक्त क्षेत्र घोषित करून त्याने तिथे कट्टर (मूलतत्ववादी) विचार पसरवण्याचे काम सुरू केले होते.

साकिब नाचनच्या नेतृत्वात २००२ - ०३ मध्ये मुंबईत विलेपार्ले, मुलुंड आणि मुंबई सेंट्रल येथे बॉम्बस्फोट करण्यात आले. या तीन स्फोटांमुळे मुंबई हादरली होती. बॉम्बस्फोटांत १३ जणांचा मृत्यू झाला होता आणि ११६ पेक्षा जास्त नागरिक जखमी झाले होते. या प्रकरणात दहा जणांना दोषी ठरवले होते. दोषींपैकी तिघांना जन्मठेपेची शिक्षा सुनावण्यात आली होती.
Comments
Add Comment

Rain updates : राज्यात पावसाचा कहर कायम! मराठवाड्यावर अस्मानी संकट, पुढील दोन दिवस धोक्याचे; वाचा पावसाचे सर्व अपडेट्स

मुंबई : महाराष्ट्रात पुन्हा एकदा पावसाने धुमाकूळ घातला असून, बहुतांश जिल्ह्यांमध्ये मुसळधार ते अतिमुसळधार

मुंबईत पावसाचा जोर पुन्हा वाढला, रस्ते, रेल्वे वाहतूक मंदावली

मेगाब्लॉकमुळे रेल्वे सेवा कोलमडली मुंबई: गेल्या काही दिवसांपासून उसंत घेतलेल्या पावसाने मुंबईत पुन्हा एकदा

परराष्ट्रमंत्री एस. जयशंकर यांचे UNGA मध्ये सडेतोड भाषण: पाकिस्तानला सुनावले खडे बोल

न्यूयॉर्क: भारताचे परराष्ट्र व्यवहार मंत्री एस. जयशंकर यांनी शनिवारी न्यूयॉर्क येथील संयुक्त राष्ट्र

आज, उद्या राज्यात मुसळधारेचा इशारा

५ ऑक्टोबरपर्यंत नैऋत्य मोसमी पावसाचा महाराष्ट्रात ठिय्या मुंबई (प्रतिनिधी) : बंगालच्या उपसागरात तपार झालेल्या

विजयच्या प्रचारसभेत चेंगराचेंगरी, ३० पेक्षा जास्त मृत्यू

करूर : तामिळनाडूतील करूर येथे एका निवडणूक रॅलीदरम्यान मोठी दुर्घटना घडली. तामीळ सुपरस्टार आणि तमिळगा वेत्री

भारतीय पत्रकाराच्या प्रश्नावर पाकिस्तानच्या पंतप्रधानांची बोलती बंद

संयुक्त राष्ट्रे : संयुक्त राष्ट्राच्या ८० व्या आमसभेत बोलताना पाकिस्तानचे पंतप्रधान शहबाज शरीफ यांनी