नवी दिल्ली: अमेरिकेचे राष्ट्रपती डोनाल्ड ट्रम्प यांनी अमेरिका आणि चीन यांच्यातील मोठ्या व्यापार कराराबाबत मोठी घोषणा केली आहे. यामुळे चीन आणि अमेरिका यांच्यातील जवळीक वाढताना दिसत आहे.
विशेष म्हणजे ट्रम्प यांनी भारताबाबतही प्रतिक्रिया दिली आहे. त्यांनी गुरूवारी म्हटले की भारतासोबतही मोठा व्यापार करार होणार आहे. ट्रम्प सध्या काही निर्णयामुळे चांगलेच चर्चेत आहेत. ते इराण-इस्त्रायल यांच्यातील शस्त्रसंधीनंतर आता व्यापारावर लक्ष देत आहेत.
ट्रम्प यांनी नुकताच बिग ब्युटिफूल बिल कार्यक्रमात भाग घेतला होता. या दरम्यान ते म्हणाले, प्रत्येकाला आमच्यासोबत व्यापार करायचा आहे. काही महिन्यांपूर्वी मिडिया विचारत होते की की खरंच कोणता व्यापार करार करणार आहे का? आम्ही कालच चीनसोबत मोठी डील साईन केली आहे. भारतासोबतही डील होऊ शकते.
भारत-अमेरिका यांच्यात लवकरच होणार करार
भारत आणि अमेरिका यांच्यात लवकरच मोठा व्यापार करार होऊ शकतो. दोन्ही देश ९ जुलैच्या आधी हा करार करू शकतात. अमेरिकाने भारतातून येणाऱ्या सामनावर २६ टक्के टॅरिफ लावण्याची घोषणा केली होती. तर हे टॅरिफ मागे घेण्यात यावे अशी भारताची इच्छा होती. ट्रम्प यांच्या या निर्णयावरून मोठा वाद झाला होता. त्यांनी चीनवरही टॅरिफ लावला होता. चीननेही याला प्रत्युत्तर म्हणून