IND vs ENG 1st Test: ५ शतके झळकावूनही सामना हातून गेला! शेवटच्या दिवशी इंग्लंडने मारली बाजी

  79

इंग्लंडने टीम इंडियाचा ५ विकेट्सने पराभव करत १-० अशी आघाडी घेतली.


लीड्स:  हेडिंग्ले मैदानावर खेळल्या गेलेल्या पहिल्या कसोटी सामन्यात टीम इंडियाला दारुण पराभवाचा सामना करावा लागला आहे. पहिल्या आणि दुसऱ्या डावात भारतीय फलंदाजांनी शानदार कामगिरी करत एकूण ५ शतके झळकावली,  परंतु तरीही टीम इंडिया सामना वाचवू शकली नाही. इंग्लंडने चौथ्या डावात ३७१ धावांचे मोठे लक्ष्य गाठून कसोटी क्रिकेटमध्ये इतिहास रचला. शेवटच्या दिवशी ३५२ धावा करून इंग्लंडने विजय मिळवला.


यशस्वी जयस्वाल, कर्णधार शुभमन गिल आणि ऋषभ पंत यांनी पहिल्या डावात शानदार शतके केली. जयस्वालने १०१, गिलने १४७ आणि पंतने १३४ धावा केल्या. केएल राहुल (१३७) आणि ऋषभ पंत (११८) यांनीही दुसऱ्या डावात चांगली कामगिरी केली. कसोटी क्रिकेटच्या इतिहासात पहिल्यांदाच एखाद्या संघाची ५ शतके असूनही कसोटी सामन्यात पराभव स्वीकारावा लागला आहे.


टीम इंडियाने कसोटी सामन्यात दोन्ही डावात मोठी आघाडी घेत इंग्लंडसमोर ३७१ धावांचे लक्ष्य ठेवले, परंतु भारतीय गोलंदाजांना ही मोठी धावसंख्या वाचवता आली नाही. इंग्लंडने भारताविरुद्धच्या चौथ्या डावात ५ विकेट्स हातात असताना ३७१ धावांचे लक्ष्य गाठले, जे कसोटी इतिहासातील दुसऱ्या क्रमांकाची सर्वाधिक यशस्वी धावसंख्या ठरली.  यापूर्वी २०२२ च्या सुरुवातीला इंग्लंडने बर्मिंगहॅममध्ये ३७८ धावांचे लक्ष्य गाठले होते, परंतु यावेळी लीड्समध्ये ३७१ धावांचा पाठलाग करणे देखील ऐतिहासिक होते.



भारतीय गोलंदाजी निराशाजनक


लीड्स कसोटीत जसप्रीत बुमराह वगळता टीम इंडियाच्या उर्वरित गोलंदाजांनी खूप निराशा केली. प्रसिद्ध कृष्णा, मोहम्मद सिराज आणि शार्दुल ठाकूर इंग्लंडच्या  फलंदाजांवर दबाव आणण्यात अपयशी ठरले. बुमराहने पहिल्या डावात इंग्लंड संघाचा अर्धा भाग पॅव्हेलियनमध्ये पाठवला असेल, परंतु दुसऱ्या डावात १९ षटके टाकूनही त्याला बळी मिळवता आला नाही. दुसऱ्या डावात शार्दुल ठाकूर आणि प्रसिद्ध कृष्णाने २-२ बळी घेतले, परंतु इंग्लंडला विजय मिळवण्यापासून रोखू शकले नाहीत.



बेन डकेटची ऐतिहासिक खेळी


इंग्लंडसाठी, सलामीवीर बेन डकेटने दुसऱ्या डावात ऐतिहासिक खेळी केली. त्याने १४९ धावा केल्या आणि संघाला विजयाचा मार्ग दाखवला. या खेळीदरम्यान, यशस्वी जयस्वालनेही डकेटला ९७ धावांवर जीवदान दिले, ज्याचा त्याने पुरेपूर फायदा घेतला. डकेट भारताविरुद्ध कसोटी सामन्याच्या चौथ्या डावात सर्वाधिक धावा करणारा फलंदाज ठरला. त्याने जो रूटचा १४२* धावांचा विक्रम मोडला.

Comments
Add Comment

Pujara Retirement : टीम इंडियामधून ९ महिन्यांत ४ दिग्गजांनी घेतली निवृत्ती

मुंबई: भारतीय क्रिकेट संघात गेल्या काही महिन्यांपासून निवृत्तीची त्सुनामी आल्याचे चित्र आहे. गेल्या ९

Virat Kohli Comeback: विराट कोहली धमाकेदार पुनरागमनासाठी सज्ज! लॉर्ड्स क्रिकेट ग्राउंडवर सराव करताना दिसला

लॉर्ड्स : टीम इंडियाचा माजी कर्णधार विराट कोहली सध्या आंतरराष्ट्रीय क्रिकेटपासून दूर आहे. इंडियन प्रीमियर लीग (IPL)

भारत-पाकिस्तान सामन्यांबाबत भारत सरकारची कठोर पाऊले, आशिया कपबद्दलही महत्त्वाचा निर्णय

नवी दिल्ली: भारत सरकारने भारत-पाकिस्तान क्रीडा सामन्यांबाबत कठोर भूमिका घेतली आहे. भारतीय संघ पाकिस्तानमध्ये

Bronco Test काय आहे? भारतीय क्रिकेटपटूंना फिटनेसाठी आता द्यावी लागणार ही टेस्ट

नवी दिल्ली: भारतीय क्रिकेटमध्ये फिटनेसबाबत मोठा बदल करण्यात आला आहे. टीम इंडियाच्या वेगवान गोलंदाजांसाठी आता

दक्षिण आफ्रिकेच्या केशव महाराजची पहिल्या स्थानी झेप

नवी दिल्ली : आयसीसीने पुन्हा एकदा क्रमवारी जाहीर केली आहे. गेल्या आठवड्यात एकही कसोटी सामना झाला नाही, त्यामुळे

ICC Rankings : आयसीसीच्या एकदिवसीय फलंदाजांच्या क्रमवारीतून रोहित-विराटची नावे गायब

दुबई : भारतीय कर्णधार रोहित शर्मा आणि विराट कोहलीची नावे आयसीसीच्या ताज्या क्रमवारीतून गायब