प्रतिनिधी: आयडिया फोर्ज टेक्नॉलॉजी लिमिटेड (IdeaForge Technology Limited) कंपनीच्या समभागाने जबरदस्त उसळी घेतली आहे. कंपनीचा समभाग (Shares)१०.००% उसळला असून प्रति समभाग किंमत ६३१.०५ रूपये बा जारात सुरू आहे. कंपनीचा समभाग १०% उसळल्याने आठ महिन्यांत उच्चांकावर पोहोचला आहे. आठ महिन्यांपूर्वी आलेल्या कंपनीच्या शेअर्समध्ये उच्चांक गाठल्याने समभाग अप्पर सर्किट (Upper Circuit) वर पोहोचला आहे.कंपनीला प्रामुख्याने १३७ कोटींची मिनी मानवरहित एरिअल वाहन (Mini Unmanned Aerial Vechile UAV) पुरवण्याची ऑर्डर मिळाल्यानंतर बाजारात उत्साहाचे वातावरण होते.
यापूर्वी मार्च महिन्यात कंपनीला २६ कोटींचा निव्वळ तोटा (Net Loss) झाला होता. तर मागील वर्षीच्या मार्च महिन्यात कंपनीला १० कोटींचा नफा मिळाला होता. कंपनीला आर्थिक वर्ष २०२४-२५ महिन्यात मिळालेल्या महसूलात तिमाही बे सिसवर ४८.६% घसरण झाली होती तर कंपनीच्या स्थूल मार्जिन (Gross Margin) मध्ये आर्थिक वर्ष २०२४-२५ मधील ४९.९ % वरून घसरत यंदा ३३% प्राप्त झाले होते. कंपनीच्या करोत्तर नफ्यात (Profit After Tax PAT) मध्ये मागील तिमाहीतील ३८.६% तुलनेत घसरण होऊन या तिमाहीत केवळ १४.४% नफा मिळाला होता. तसेच कंपनीच्या करपूर्व नफा (EBITDA) मागील वर्षीच्या २७.४% तुलनेत घसरत या तिमाहीत ३३% मिळाले होते. प्रसारमाध्यमांनी दिलेल्या वृत्तानुसार, या महिन्यात कंपनीच्या समभागात २०% वाढ झाली आहे. मार्च २०२५ पर्यंत, प्रवर्तकांकडे (Promoter)कंपनीमध्ये २९.१७ टक्के हिस्सा होता. आयडियाफोर्ज कंपनी ही स्वदेशी असून यूएव्ही डिझाइन विकास आणि उत्पादन करते.