लीड्स कसोटीत दुसऱ्या दिवसअखेर इंग्लंड पिछाडीवर

  72

लीड्स : भारत आणि इंग्लंड यांच्यातील पाच कसोटी सामन्यांच्या मालिकेतील पहिला सामना हेडिंग्ले लीड्स येथे सुरू आहे.या सामन्यात दुसऱ्या दिवसअखेर इंग्लंड तीन बाद २०९ धावांवर खेळत आहे. इंग्लंडचा संघ २६२ धावांनी पिछाडीवर आहे. प्रथम फलंदाजी करणाऱ्या भारताने पहिल्या डावात सर्वबाद ४७१ धावा केल्या आहेत.

इंग्लंड तीन बाद २०९ धावा

भारताच्या दमदार खेळीनंतर इंग्लंडचा संघ फलंदाजीसाठी आला. त्यांना पहिला धक्का लवकर बसला. झॅक क्रॉली फक्त चार धावा करुन परतला. बेन डकेट ६२ धावा करुन बाद झाला. जो रूटने २८ धावांचे योगदान दिले. ओली पोप १०० धावांवर खेळत आहे. ओलीच्या सोबतीला हॅरी ब्रूक मैदानात आला आहे. भारताकडून जसप्रीत बुमराहने इंग्लंडच्या तीन फलंदाजांना बाद केले आहे.

भारत सर्वबाद ४७१ धावा

लीड्स कसोटीत नाणेफेक जिंकून गोलंदाजीचा निर्णय घेणे इंग्लंडला भोवले. भारताने चांगली सुरुवात केली. टीम इंडियाकडून सलामीवीर यशस्वी जयस्वाल (१०१ धावा), कर्णधार शुभमन गिल (१४७ धावा) आणि यष्टीरक्षक फलंदाज रिषभ पंत (१३४ धावा) या तिघांनी शतके केली. केएल राहुलने ४२ आणि रवींद्र जडेजाने ११ धावांचे योगदान दिले. मोहम्मद सिराज तीन धावा करुन नाबाद राहिला तर शार्दुल ठाकूर आणि प्रसिद्ध कृष्णा या दोघांनी प्रत्येकी एक धाव काढली. साई सुदर्शन, करुण नायर आणि जसप्रीत बुमराह हे तिघे शून्यावर बाद झाले. इंग्लंडकडून कर्णधार बेन स्टोक्सने चार जणांना बाद केले. जोश टंगनेही चार जणांना बाद करत त्याला उत्तम साथ दिली. शोएब बशीर आणि ब्रायडन कार्से या दोघांनी प्रत्येकी एक बळी घेतला.

रिषभ पंतची कमाल

भारताचा यष्टीरक्षक फलंदाज रिषभ पंत (१३४ धावा) याने कमाल केली. कसोटी क्रिकेटमध्ये यष्टीरक्षक फलंदाज रिषभ पंतने आतापर्यंत सात शतके केली आहे. लीड्स येथे खेळताना त्याने कसोटी क्रिकेटमधील वैयक्तिक कारकिर्दीतले सातवे शतके केले. या शतकाद्वारे त्याने माजी कर्णधार महेंद्रसिंग धोनी (६ शतके) आणि वृद्धिमान साहा (३ शतके) यांना मागे टाकले. शतक पूर्ण करताना पंतने १० चौकार आणि चार षटकार मारले. इंग्लंडमधील पंतचे हे तिसरे कसोटी शतक होते. पंतने परदेशातील भूमीवर एकूण ५ कसोटी शतके आणि मायदेशात २ कसोटी शतके केली आहेत. इंग्लंडच्या भूमीवर इंग्लंडविरुद्ध ३ शतके करणारा पंत हा एकमेव भारतीय यष्टीरक्षक फलंदाज आहे.

नाणेफेकीचा कौल

नाणेफेक इंग्लंडने जिंकली. त्यांनी गोलंदाजीचा निर्णय घेतला. या निर्णयाचा भारताला फायदा झाला. टीम इंडियाने चांगली सुरुवात केली. पण तीन फलंदाजांनी शतके केली तरी नंतरच्या फलंदाजांना टिकाव धरणे जमले नाही यामुळे भारताचा डाव ४७१ धावांतच आटोपला.

इंग्लंड-भारत कसोटी मालिकेचे वेळापत्रक (२०२५)

पहिली कसोटी: २० ते २४ जून, हेडिंग्ले (लीड्स)

दुसरी कसोटी: २ ते ६ जुलै, एजबॅस्टन (बर्मिंगहॅम)

तिसरी कसोटी: १० ते १४ जुलै, लॉर्ड्स (लंडन)

चौथी कसोटी: २३ ते २७ जुलै, ओल्ड ट्रॅफर्ड (मँचेस्टर)

पाचवी कसोटी: ३१ जुलै ते ४ ऑगस्ट, ओव्हल (लंडन)
Comments
Add Comment

Virat Kohli Comeback: विराट कोहली धमाकेदार पुनरागमनासाठी सज्ज! लॉर्ड्स क्रिकेट ग्राउंडवर सराव करताना दिसला

लॉर्ड्स : टीम इंडियाचा माजी कर्णधार विराट कोहली सध्या आंतरराष्ट्रीय क्रिकेटपासून दूर आहे. इंडियन प्रीमियर लीग (IPL)

भारत-पाकिस्तान सामन्यांबाबत भारत सरकारची कठोर पाऊले, आशिया कपबद्दलही महत्त्वाचा निर्णय

नवी दिल्ली: भारत सरकारने भारत-पाकिस्तान क्रीडा सामन्यांबाबत कठोर भूमिका घेतली आहे. भारतीय संघ पाकिस्तानमध्ये

Bronco Test काय आहे? भारतीय क्रिकेटपटूंना फिटनेसाठी आता द्यावी लागणार ही टेस्ट

नवी दिल्ली: भारतीय क्रिकेटमध्ये फिटनेसबाबत मोठा बदल करण्यात आला आहे. टीम इंडियाच्या वेगवान गोलंदाजांसाठी आता

दक्षिण आफ्रिकेच्या केशव महाराजची पहिल्या स्थानी झेप

नवी दिल्ली : आयसीसीने पुन्हा एकदा क्रमवारी जाहीर केली आहे. गेल्या आठवड्यात एकही कसोटी सामना झाला नाही, त्यामुळे

ICC Rankings : आयसीसीच्या एकदिवसीय फलंदाजांच्या क्रमवारीतून रोहित-विराटची नावे गायब

दुबई : भारतीय कर्णधार रोहित शर्मा आणि विराट कोहलीची नावे आयसीसीच्या ताज्या क्रमवारीतून गायब

Team India Asia Cup 2025: आशिया कप २०२५ साठी टीम इंडियाची घोषणा! सूर्या करणार नेतृत्व; शुभमन गिल उपकर्णधार

Team India T20 Squad for Asia Cup 2025: दिनांक ९ सप्टेंबरपासून सुरू होणाऱ्या आशिया कप २०२५ साठी बीसीसीआयने टीम इंडियाची घोषणा केली आहे.