कंपनीच्या स्थूल नफा मार्जिन (Gross Profit Margin) मध्ये तिसऱ्या तिमाहीत इयर ऑन इयर बेसिस (YoY) ३२.९% वाढ झाली आहे जी मागील वर्षीच्या तिमाहीत ३३.४% होती. कंपनीच्या वार्षिक महसूलातील रेंजमध्ये मागील वर्षीच्या ६ ते ७% तुलनेत ५ ते ७% वाढ झाली आहे.
याआधी तज्ञांनी केवळ १७.३० अब्ज डॉलरपर्यंत कमाई होईल अशी अपेक्षा व्यक्त केली होती. मात्र कंपनीने १७.७ अब्ज डॉलर्स कमावले आहेत. कंपनीच्या फायनांशियल सर्विसेस व हेल्थकेअर व इतर उत्पादनात कंपनीने १३% वाढ नोंदवली आहे. कंपनीच्या नव्या ग्राहक बुकिंगमध्ये (Total Booking). मध्ये ६% घसरण झाली आहे. मात्र कंपनीच्या मार्जिनमध्ये १६% वरून १६.८% वाढ झाली आहे. यापूर्वी कन्सल्टिंगवर दबाव असल्याने, एक्सेंचरची वाढ मोठ्या प्रमाणात अजैविक वाढीवर अवलंबून राहण्याची अपेक्षा तज्ञांनी व्यक्त केली होती. सतत खर्च ऑप्टिमायझेशन उपक्रमांमुळे ऑपरेटिंग मार्जिन २५ बेसिस पॉइंट्सने वाढून १६.७ टक्क्यांपर्यंत पोहोचण्याची अपेक्षाही त्यांनी व्यक्त केली होती. स्पर्धात्मक फायदा राखण्यासाठी अशी धोरणे महत्त्वपूर्ण आहेत. बुकिंगमध्ये घट, विशेषतः कन्सल्टिंगमध्ये, एक्सेंचरच्या महसूल दृश्यमानता आणि आर्थिक वर्ष २६ साठी वाढीच्या गतीबद्दल चिंताही तज्ञांनी याप्रसंगी व्यक्त केली.
दरम्यान, संपूर्ण आर्थिक वर्ष २०२५ साठी, आयर्लंड-मुख्यालय असलेल्या फर्मला आता स्थानिक चलनात ६-७% महसूल वाढ अपेक्षित आहे, तर परकीय चलनाचा परिणाम कंपनीतीव वाढीत ०.२% सकारात्मक असण्याची अपेक्षित व्यक्त केली जात आहे. प्रामुख्याने कंपनी उत्पादनामध्ये झालेली वाढ ही कृत्रिम तंत्रज्ञान (Artificial Intelligence) उत्पादनातील लावलेली सक्षमता कंपनीला फळास आली आहे.