टेक्सास : एलन मस्क यांच्या महत्त्वाकांक्षी ‘स्पेसएक्स स्टारशिप’ प्रकल्पाला पुन्हा एकदा मोठा झटका बसला आहे. टेक्सासमध्ये बुधवारी झालेल्या स्टॅटिक फायर टेस्टदरम्यान स्टारशिपमध्ये जोरदार स्फोट झाला. या घटनेचा व्हिडिओ सोशल मीडियावर प्रचंड व्हायरल झाला असून, रॉकेटच्या तळाशी झालेल्या स्फोटाने संपूर्ण परिसर धुराने आणि आगीने व्यापलेला दिसतो आहे.
स्थानिक पोलिसांनी स्फोटाची माहिती देत सांगितले की, सुदैवाने या दुर्घटनेत कोणतीही जिवीतहानी झाली नाही. तरीही या घटनेच्या कारणाचा शोध घेण्यासाठी चौकशी सुरू करण्यात आली आहे.
ही चाचणी केवळ इंजिन तपासणीसाठी होती आणि त्यावेळी रॉकेट जमिनीवर स्थिर होते. मात्र, तपासणीदरम्यान अचानक प्रचंड स्फोट झाला आणि संपूर्ण परिसर हादरून गेला.
BREAKING: SpaceX Starship explodes during static fire test pic.twitter.com/ChTSKp3KIO
— BNO News (@BNONews) June 19, 2025
याआधीही स्पेसएक्सच्या या स्टारशिप प्रणालीला अनेकदा अपयशाचा सामना करावा लागला आहे. ‘सुपर हेवी बूस्टर’ आणि ‘स्टारशिप स्पेसक्राफ्ट’ यांचा एकत्रित चाचणी प्रक्षेपणादरम्यान तिसऱ्यांदा अपयश आले. याआधी जानेवारी आणि मार्चमध्येही अशाच प्रकारे रॉकेट अपयशी ठरले होते.
अंदाजे ४०० फूट उंच असलेले हे रॉकेट भविष्यात पृथ्वीभोवती, चंद्रावर आणि शेवटी मंगळावर मानवी आणि मालवाहतूक करण्यासाठी विकसित करण्यात आले आहे. मस्क यांच्या दीर्घकालीन अवकाश मोहिमेचा हा महत्त्वाचा भाग मानला जातो.
वॉशिंगटन डीसी : इराण इस्त्रायल यांच्यातील संघर्ष युद्धात परिवर्तीत झाला आहे. दोन्ही देशांकडून एकमेकांवर घातक हल्ले करण्यात येत आहेत. अलीकडेच ...
स्पेसएक्सच्या वेबसाइटवर आणि सोशल मीडियावर लाइव्हस्ट्रीमद्वारे दाखवण्यात आलेल्या फुटेजनुसार, पहिल्या टप्प्यातील सुपर हेवी बूस्टर प्रक्षेपणानंतर काही क्षणातच तो फुटला. दुसऱ्या टप्प्यातील स्टारशिपला उड्डाणादरम्यान इंधन गळती झाली आणि रॉकेटने नियंत्रण गमावले. परिणामी, पुन्हा वातावरणात परतताना ते पूर्णतः नष्ट झाले.
तरीही या अपयशांवर न थांबता स्पेसएक्स आपल्या चाचण्या सुरू ठेवणार आहे. “प्रत्येक उड्डाण हे शिकण्यासाठी एक संधी आहे,” असं स्पेसएक्सकडून स्पष्ट करण्यात आलं आहे.
एलन मस्क यांची ही महत्त्वाकांक्षी मोहीम अजूनही यशापर्यंत पोहोचलेली नाही, पण त्यांच्या चिकाटीने आणि प्रयोगशीलतेने अंतराळ संशोधनाला एक नवा वेग मिळतोय, हे मात्र निश्चित.