८ मंडळ १ पवित्र प्रवास!
गणेशोत्सवाच्या निमित्ताने गिरगावमध्ये अष्टविनायक दर्शनाची सुवर्णसंधी, आठ मंडळांचा संयुक्त उपक्रम
मुंबई : गिरगाव गणेशोत्सव मंडळ यंदाच्या वर्षी गिरगावातील सर्व गणेशोत्सव मंडळांना एकत्र घेऊन नवा इतिहास रचणार आहे. लोकमान्य टिळकांना अभिप्रेत असणारा गणशोत्सव यंदाच्या वर्षी साजरा होणार आहे. समाजोपयोगी उपक्रमांसह पर्यावरणपूरक सजावट हे यावर्षीचं त्यांच ब्रीद आहे.
महाराष्ट्रातील अष्टविनायक यंदा ८ मंडळांमध्ये उभे करणार आहेत. याची धुरा डॉ. सुमित पाटील यांच्या हाती सोपवण्यात आलेली आहे. त्याबद्धल डॉ. सुमित पाटील यांनी गिरगावातील सर्व गणेशोत्सव मंडळांचे आभार मानले आहेत. या उपक्रमाबद्धल डॉ. सुमित पाटील म्हणाले की, गणेशोत्सवाच्या निमित्ताने मंडळांना समाजाला एकत्र आणण्याची तसेच समाजाचे प्रबोधन करण्याची उत्तम संधी मिळते. मंडळांनी या संधीचा सकारात्मक लाभ घेतला पाहिजे. मंडळांच्या अभिनव उपक्रमांमुळे कलेला चालना मिळते, कलाकारांना प्रोत्साहन मिळते. अनेकजण या निमित्ताने एकत्र काम करतात, एकमेकांशी जोडले जातात. याच कारणामुळे या उपक्रमाला 'अष्टविनायक वारी' असे नाव दिले आहे.